24 October 2020

News Flash

‘माझी मुलगी आहे कुठे?’ पुण्यातल्या कोविड सेंटरमधून गायब झालेल्या मुलीच्या आईचा मुख्यमंत्र्यांना प्रश्न

मुलीच्या आईचं रुग्णालयाबाहेर आंदोलन

पुण्यातील शिवाजीनगर येथे करोनाबाधितांवर उपचारांसाठी उभारण्यात आलेल्या जम्बो कोविड सेंटरमधील आणखी एक धक्कादायक प्रकार समोर आला आहे. या ठिकाणी उपचार घेत असलेली एक तरुणी गायब झाली आहे. गेल्या २७ दिवसापांसून घरच्यांशी संवाद नसल्याने तसेच प्रशासनाने मुलगी आमच्याकडे नसल्याचे सांगत हात वर केल्याने तिची आई कोविड सेंटरबाहेर धरणं आंदोलनास बसली आहे.

पुण्यात वाढत्या करोना रुग्णांच्या पार्श्वभूमीवर शहरातील शिवाजीनगर भागात जम्बो कोविड केअर सेंटरची उभारणी करण्यात आली आहे. या कोविड सेंटरमध्ये प्रिया गायकवाड नामक तरुणी उपचारासाठी दाखल झाली होती. मात्र, आज २७ दिवस उलटून गेले तरी देखील या मुलीशी तिच्या कुटुंबियांचा संवाद झालेला नाही. यामुळे शंका निर्माण झाल्याने तसेच प्रशासन याबाबत व्यवस्थित माहिती देत नसल्याने या मुलीच्या कुटुंबीयांनी कोविड सेंटर बाहेर धरणं आंदोलन सुरु केलं आहे.

कोविड सेंटरमधून गायब झालेल्या तरुणीची आई रागिणी सुरेंद्र गमरे यांच्याशी संवाद साधला असता त्या म्हणाल्या, “माझी मुलगी रागिणी हिला २९ ऑगस्ट रोजी शिवाजीनगर येथील कोविड सेंटरमध्ये उपचारासाठी दाखल केले. त्यानंतर संध्याकाळी येथून फोन आला की, तुमची मुलगी काहीही ऐकत नाही, त्यामुळे तुम्ही येथे यावं. त्यानंतर मी येथे आले आणि माझं डॉक्टरांशी बोलणं झालं. डॉक्टर म्हणाले, मुलीला १३ सप्टेंबरला डिस्चार्ज देण्यात येईल, तेव्हा तुम्ही पुन्हा रूग्णालयात यावं. त्यानुसार मी १३ तारखेला मुलीला नेण्यासाठी पुन्हा येथे आले मात्र, तुमची मुलगी आमच्याकडे उपचारासाठी नाही, असं उत्तर मला इथं देण्यात आलं. त्यानंतर इथल्या व्यवस्थापनाकडून मी माझ्या मुलीबाबत माहिती घेण्याचा प्रयत्न केला तर त्यांनी उडवाउडवीची उत्तर दिली. माझ्या मुलीचं काय झालं असेल हा प्रश्न मला सारखा सतावत आहे. आज २७ दिवस झाले तरी माझं तिच्याशी बोलणं झालेलं नाही, त्यामुळे आता मुख्यमंत्र्यांनीच यामध्ये लक्ष घालून माझी मुलगी मला मिळून द्यावी”

या प्रकरणावर महापालिकेच्या अतिरिक्त आयुक्त रुबल अग्रवाल म्हणाल्या, “संबधित मुलीच्या प्रकरणाची माहिती आम्ही घेतली आहे. या कोविड सेंटरचे काम त्यावेळी लाईफ लाईन संस्थेकडे देण्यात आलं होतं. त्यामुळं त्यांच्याकडून माहिती मागविली आहे. तसेच महिलेच्या कुटुंबियांसोबत अधिकारी चर्चा करीत आहेत. या प्रकरणाचा अहवाल प्रशासन आणि पोलिसांना देखील पाठविण्याच्या सूचना संस्थेला देण्यात आल्या आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 24, 2020 3:56 pm

Web Title: girl admitted for treatment disappears from pune covid center aau 85 svk 88
टॅग Coronavirus
Next Stories
1 पुण्याच्या ‘आयटी हब’मध्ये २५ किलो गांजा जप्त
2 आंबिल ओढा अतिक्रमणांच्या विळख्यात
3 लोकजागर : केवढा हा निर्लज्जपणा!
Just Now!
X