News Flash

क्रिकेटपटू हरभजन सिंगने पुण्यात सुरू केले ‘प्रशंसनीय’ कार्य

करोनाविरुद्धच्या लढाईत होणार मोठी मदत

हरभजन सिंग

भारतीय क्रिकेट संघाचा ऑफस्पिनर हरभजन सिंगने पुण्यात मोबाइल करोना चाचणी प्रयोगशाळा सुरू केली आहे. ही प्रयोगशाळा आजपासून सुरू झाली. आयपीएल २०२१मध्ये कोलकाता नाईट रायडर्सकडून खेळणार्‍या हरभजनने ट्विटरवरून याबाबत माहिती दिली.

भज्जी म्हणाला, “आम्ही या कठीण काळात इतरांना मदत करून फक्त एक छोटेसे कार्य करत आहोत. मला आशा आहे, कि वाहेगुरू सर्वांना सुरक्षित ठेवतील. आपण करोनाविरुद्धची ही लढाई नक्कीच जिंकू.”

 

एका अहवालानुसार, ही प्रयोगशाळा प्रत्येक ठिकाणी जाऊन एका दिवसात १५०० नमुने गोळा करेल. यात आरटी-पीसीआर चाचणीचा निकाल काही तासांत दिला जाईल. या मदतीमुळे करोना चाचणी वेगवान होईल आणि या आपत्कालीन परिस्थितीत महत्त्वपूर्ण योगदान देता येईल. यामध्ये लोकांना विनामुल्य चाचणी करता येईल, तर काही लोकांना ५०० रूपये खर्च येऊ शकतो.

हरभजनची क्रिकेट कारकीर्द

हरभजन सिंग २०१६पासून भारतीय संघातून बाहेर आहे. भज्जीने टीम इंडियाकडून १०३ कसोटी सामन्यांमध्ये ४७१, २३६ एकदिवसीय सामन्यांमध्ये २६९ आणि २८ टी-२०मध्ये २५ विकेट्स घेतल्या आहेत. त्याने २०१५ मध्ये श्रीलंकेविरुद्ध अखेरचा कसोटी सामना खेळला, तर त्याचवर्षी त्याने दक्षिण आफ्रिकेविरुद्ध अखेरचा टी-२० आंतरराष्ट्रीय सामना खेळला होता. हरभजनन २००७ आणि २०११ च्या वर्ल्डकप विजेत्या टीम इंडियाचा सदस्य राहिला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 24, 2021 6:31 pm

Web Title: harbhajan singh is setting up a mobile covid 19 testing laboratory in pune adn 96
Next Stories
1 IPL 2021 : मुंबईला हरवल्यानंतर वसिम जाफरने केले ‘भन्नाट’ ट्विट
2 IPL 2021 : धक्क्यावर धक्के! राजस्थानचा अजून एक ‘स्टार’ खेळाडू आयपीएलबाहेर
3 २४ एप्रिल २०१८ : वाढदिवशीच ऑस्ट्रेलियानं सचिनला डिवचलं होतं… पाहा व्हिडिओ
Just Now!
X