News Flash

भविष्यात बंद करणार नसल्याचे प्रतिज्ञापत्र सादर करा – उच्च न्यायालया

खंडपीठाच्या मागणीसाठी पुण्यातील वकिलांनी केलेल्या कामबंद आंदोलनाबाबत माफी मागावी आणि भविष्यात असे आंदोलन करणार नाही, असे प्रतिज्ञापत्र सादर करावे, असे आदेश उच्च न्यायालयाने पुणे

| July 7, 2015 03:14 am

खंडपीठाच्या मागणीसाठी पुण्यातील वकिलांनी केलेल्या कामबंद आंदोलनाबाबत माफी मागावी आणि भविष्यात असे आंदोलन करणार नाही, असे प्रतिज्ञापत्र सादर करावे, असे आदेश उच्च न्यायालयाने सोमवारी पुणे बार असोसिएशनला दिले.
पुण्याला उच्च न्यायालयाचे खंडपीठ मिळावे म्हणून वकिलांनी सोळा दिवस कामबंद आंदोलन केले होते. वकिलांच्या बंदमुळे अनेक पक्षकारांचे हाल झाले. त्यामुळे यासंदर्भात उच्च न्यायालयात जनहित याचिका दाखल करण्यात आली होती. या याचिकेच्या सुनावणी दरम्यान आंदोलनाबाबत सोमवापर्यंत कळवण्याचे आदेश पुणे बार असोसिएशनला दिले होते. सोमवारी पुणे बार असोसिएशनचे अध्यक्ष अॅड. गिरीश शेडगे यांनी आंदोलन मागे घेतल्याची माहिती उच्च न्यायालयास दिली. महाराष्ट्र गोवा बार कौन्सिलने आजपर्यंत पुणे बार असोसिएशन आणि पुणे जिल्ह्य़ातील वकिलांवर काय कारवाई केली याचे प्रतिज्ञापत्र दाखल करावे. व्हॉटस् अॅपवर धमकी देणारे एसएमएस पाठविले असतील तर अर्जदाराने न्यायालयात सादर करावे, जिल्ह्य़ात काय परिस्थिती आहे, कामावर वकील बहिष्कार टाकत आहेत का, याचा अहवाल २० जुलैपर्यंत उच्च न्यायालयाच्या मुख्य प्रबंधकांना सादर करावा, असा आदेशही न्यायालयाने दिला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 7, 2015 3:14 am

Web Title: high court orders pune bar asso
Next Stories
1 नवी परकीय भाषा शिकण्याची आनंदशाळा भरली
2 चायनीज पदार्थाच्या गाडय़ांची तपासणी होणार
3 गरीब मुलांना फक्त एक रुपयात शिक्षण!
Just Now!
X