19 September 2020

News Flash

Holi 2019 : विशेष मुलांकडून पुण्यात मनसोक्त रंगांची उधळण

या कार्यक्रमात देवदासी, अनाथ, अंध-अपंग यांसह विविध घटकातील तब्बल १२०० विशेष मुले सहभागी झाली होती.

पुणे : भोई प्रतिष्ठानच्यावतीने दरवर्षीप्रमाणे यंदाही अनाथ आणि देवदासींच्या मुलांसाठी धुलिवंदनानिमित्त 'रंग बरसे' या खास कार्यक्रमाचे आयोजन केले आहे. मुलांसोबत या रंगीबेरंगी क्षणांचा आनंद लुटण्यासाठी पत्रकार मंडळी आणि सामाजिक क्षेत्रातील लोकांनी हजेरी लावली आहे. (छायाचित्र : सागर कासार)

‘रंग बरसे… भीगे चुनरवाली… रंग बरसे’, ‘होली के दिन दिल खिल जाते है’, ‘आज ना छोडेंगे बस हमजोली खेलेंगे हम होली’ अशा काही निवडक हिंदी गाण्यांसह ‘आज गोकुळात रंग खेळतो हरी, ‘राधिके जरा जपून जा तुझ्या घरी’, ‘अग नाच नाच राधे उडवू या रंग’, अशा मराठी गाण्यांवर मनमुराद थिरकत आणि मनसोक्त रंगांची उधळण करीत गुरुवारी पुण्यात विशेष मुलांनी धुळवड साजरी केली.

भोई प्रतिष्ठानकडून अभिनव उपक्रमाचे आयोजन करण्यात आले होते. यावेळी महापौर मुक्ता टिळक, शिवशाहीर बाबासाहेब पुरंदरे यांच्यासह विविध क्षेत्रातील मान्यवर, सामाजिक संघटनांचे प्रतिनिधी उपस्थित होते. या कार्यक्रमात देवदासी, अनाथ, अंध-अपंग यांसह विविध घटकातील तब्बल १२०० विशेष मुले सहभागी झाली होती.

या कार्यक्रमाच्या आयोजनाबाबत भोई प्रतिष्ठानचे मिलिंद भोई म्हणाले, यंदा ‘रंग बरसे’ उपक्रमाचे हे २५ वे वर्ष आहे. या विशेष मुलांच्या आयुष्यात विविध रंगी उधळण व्हावी आणि त्यांनाही धुळवडीच्या सणाचा आनंद लुटता यावा, यासाठी हा उपक्रम आयोजित करण्यात आला आहे. यंदा या उपक्रमात पुणे शहरातील १२०० मुले सहभागी झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 21, 2019 11:43 am

Web Title: holi 2019 full of celebration of holi by special children in pune
Next Stories
1 बोलण्यापेक्षा माझा कामावर जास्त भर; ट्रोलर्सना पार्थ पवारांचे प्रत्युत्तर
2 पुण्यात दोन चिमुरडींवर ज्येष्ठ नागरिकाकडून लैंगिक अत्याचार
3 पुण्यात एसटीच्या शिवशाहीसह ६ खासगी बस जळून खाक
Just Now!
X