05 July 2020

News Flash

मान्सून लांबल्यास शहरात दोन दिवसांआड पाणीपुरवठा?

राज्यामध्ये मान्सूनचे आगमन लांबणीवर पडले आहे. पावसाने ओढ दिल्यामुळे पाणीटंचाईचे संकट निर्माण झाले आहे.

snake came through water tab in Kalyan : कल्याण-डोंबिवलीकरांना स्वच्छ पाणी पुरविले जात असल्याचा दावा पालिकेकडून केला जात असला तरी शहराच्या अनेक भागांमध्ये चिखल, दुर्गंधीयुक्त पाणी येण्याच्या तक्रारी नेहमीच्याच झाल्या आहेत.

पाण्याच्या नियोजनासाठी आज पालिकेमध्ये बैठक
मान्सूनचे आगमन एक आठवडय़ापेक्षा अधिक लांबल्यास पाणीकपातीमध्ये वाढ करून शहरात दोन दिवसांआड पाणीपुरवठा करण्याची शक्यता व्यक्त केली जात आहे. शहराच्या पाणीपुरवठय़ाचे नियोजन करण्यासाठी महापौरांनी महापालिका आणि जलसंपदा विभागाच्या अधिकाऱ्यांची मंगळवारी (१४ जून) बैठक बोलाविली आहे.
राज्यामध्ये मान्सूनचे आगमन लांबणीवर पडले आहे. पावसाने ओढ दिल्यामुळे पाणीटंचाईचे संकट निर्माण झाले आहे. मान्सून सक्रिय होण्यासाठी किमान आठवडय़ाभराचा कालावधी अपेक्षित आहे. शहराला पाणीपुरवठा करणाऱ्या धरणांमध्ये २.१५ अब्ज घनफूट (टीएमसी) इतका पाणीसाठा असून हे पाणी किमान दीड महिना पुरेल एवढे आहे. त्यामुळे धरणातील पाणीसाठय़ाचा आढावा घेऊन शहराच्या पाणीपुरवठय़ाचे नियोजन करण्यासाठी महापालिका आणि जलसंपदा विभागाच्या अधिकाऱ्यांची मंगळवारी तातडीची बैठक बोलावण्यात आली आहे. त्यापूर्वी हवामान विभागाच्या अधिकाऱ्यांशी चर्चा करून मान्सूनच्या प्रगतीचा आढावा घेणार असल्याचे महापौर प्रशांत जगताप यांनी सांगितले. राज्यातील दुष्काळाची परिस्थिती आणि धरणातील उपलब्ध पाणीसाठा ध्यानात घेऊन सध्या शहराला दिवसाआड एकवेळचा पाणीपुरवठा केला जात आहे. मात्र, सध्याच्या परिस्थितीमध्ये पावसाचे आगमन एक आठवडय़ापेक्षा अधिक काळ लांबणीवर पडले तर शहरामध्ये दोन दिवसांआड पाणीपुरवठा होण्याची शक्यता आहे. याबाबतचा अंतिम निर्णय मंगळवारच्या बैठकीमध्ये घेतला जाणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 14, 2016 5:11 am

Web Title: if monsoon delayed water supply after two days to pune city
टॅग Monsoon
Next Stories
1 एकाच पावसानंतर डेंग्यूसदृश रुग्ण वाढले!
2 राज्यातील सर्व रेडिओलॉजी सेवा आज बंद!
3 पतीच्या छळाला कंटाळून संगणक अभियंता महिलेची आत्महत्या
Just Now!
X