पुणे : उच्च शिक्षणामघ्ये बहुशाखीय, सर्वसमावेशक शिक्षणाची अंमलबजावणी करण्याचे निर्देश विद्यापीठ अनुदान आयोगाने (यूजीसी) देशभरातील विद्यापीठे, महाविद्यालयांना दिले . व्यावसायिक, कौशल्य आणि तंत्रशिक्षणासह पदवीस्तरावरील सर्व अभ्यासक्रमांमध्ये या पद्धतीने शिक्षण प्रक्रिया राबवण्याबाबत स्पष्ट करण्यात आले आहे.यूजीसीचे अध्यक्ष डॉ. डी. पी. सिंग यांनी या बाबत निर्देश दिले . नव्या शैक्षणिक धोरणात सर्वसमावेशक शिक्षणाच्या माध्यमातून विद्यार्थ्यांच्या बौद्धिक, सामाजिक, भावनिक, मानसिक, शारीरिक विकासावर भर देण्याबाबत नमूद करण्यात आले आहे. कला, मानव्यता, भाषा, विज्ञान, सामाजिक शास्त्र, व्यावसायिक, कौशल्य विकास, तंत्रशिक्षण अशा शाखांतील या शिक्षणाच्या माध्यमातून २१ व्या शतकासाठी आवश्यक क्षमता विकसित होण्यास मदत होईल.
