पुणे शहरात दिवसभरात ७७४ नवे करोनाबाधित रुग्ण आढळले असुन, दोन रुग्णांचा मृत्यू झाला आहे. एकूण बाधितांची संख्या आता २ लाख २ हजार ७०२ वर पोहचली आहे. आतापर्यंत ४ हजार ८५५ रुग्णांचा मृत्यू झाला आहे. दरम्यान ४२७ जणांचे रिपोर्ट निगेटिव्ह आल्याने त्यांना घरी सोडण्यात आले आहे. तर आजअखेर १ लाख ९२ हजार ९२८ रुग्ण करोनामुक्त झाले आहेत. पिंपरी-चिंचवड शहरात आज दिवसभरात ४२३ तर महानगरपालिकेच्या हद्दीबाहेरील २ करोनाबाधित रुग्णांची नोंद झाली असून, ३१९ जण करोनामुक्त झाले आहेत. दिवसभरात एका रुग्णाचा उपचारादरम्यान मृत्यू झाला आहे. पिंपरी-चिंचवड शहरातील एकूण बाधित रुग्णांची संख्या १ लाख ५ हजार ७०४ वर पोहचली आहे. यापैकी १ लाख ३९२ जण करोनातून बरे झाले आहेत. पिंपरी-चिंचवड महानगर पालिकेच्या रुग्णालयात उपचार घेत असलेल्या अॅक्टिव्ह रुग्णांची संख्या ९३६ असल्याची माहिती महानगर पालिकेच्या आरोग्य विभागाने दिली आहे.
