05 March 2021

News Flash

नवविवाहित दाम्पत्यांनी फुलली जेजुरी!

सध्या सर्वत्र लग्नसराईचा धूमधडाका सुरू झाल्याने महाराष्ट्राचे कुलदैवत जेजुरीच्या खंडोबा देवाची नगरी नवविवाहित जोडप्यांनी फुलून गेली आहे.

लग्नसराईमुळे जेजुरी गड नवविवाहित दाम्पत्यांनी फुलून गेला असून, प्रथेप्रमाणे वर वधूला उचलून घेत गडाच्या पाच पायऱ्या चालत असल्याचे चित्रही दिसून येत आहे.

विवाहानंतर कुलदैवताचे दर्शन व कुळधर्म कुळाचाराप्रमाणे विधी करण्याची प्रथा असून, सध्या सर्वत्र लग्नसराईचा धूमधडाका सुरू झाल्याने महाराष्ट्राचे कुलदैवत जेजुरीच्या खंडोबा देवाची नगरी नवविवाहित जोडप्यांनी फुलून गेली आहे.
एप्रिल महिन्यात विवाहाच्या तारखा जोरात असून सर्वत्र लग्नघाई दिसून येते. विवाहानंतर संसाराला सुरुवात करण्यापूर्वी देवकार्य करण्याची प्रथा आहे. विशेषत: जेजुरीच्या खंडोबा देवाचे दर्शन, कुळधर्म कुळाचाराला विशेष महत्त्व आहे. जेजुरी गडावर शंकर व पार्वती हे खंडोबा व म्हाळसेच्या रूपात असल्याने जेजुरीला येऊन नवविवाहित दाम्पत्यांनी देवकार्य करण्याची प्रथा अनेक पिढय़ांपासून चालू आहे. गेल्या पंधरा दिवसांपासून जेजुरी गडावर नवविवाहितांची मोठी गर्दी पाहण्यास मिळत आहे.
जेजुरी गडाच्या पायथ्याशी असणाऱ्या पहिल्या पाच पायऱ्या वराने वधूला उचलून घेणे, देवदर्शन, तळीभंडार, कुळधर्म कुळाचाराप्रमाणे जागरण गोंधळ, लंगर तोडणे हा विधी येथे केला जात आहे. ऐतिहासिक चिंचेची बाग, पुजारी सेवक वर्ग यांच्या निवासात दररोज या विधीसाठी मोठी गर्दी पाहण्यास मिळत आहे. नवविवाहितांनी जेजुरी नगरी फुलली असून, त्या अनुषंगाने जेजुरीच्या मुख्य महाद्वार पथावर भंडार खोबरे, हारफुले, नारळ, देवाचे टाक, फोटो, दिवटी, बुधली, प्रसाद तसेच रसवंतीगृह, उपाहारगृहे आदी दुकाने भाविकांनी फुलून गेली आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 21, 2016 3:22 am

Web Title: jejuri newly married couples
टॅग : Jejuri
Next Stories
1 शहरात एकाच दिवशी वेगवेगळ्या घटनांमध्ये चौघांचे खून
2 एव्हरेस्ट शिखर सर करण्याचे पोलीस दाम्पत्याचे ध्येय..
3 विद्यापीठांना ठराविक मुदतीत लेखापरीक्षण करावेच लागणार
Just Now!
X