पुणे महापालिकेच्या आयुक्तपदी मंगळवारी कुणाल कुमार यांची नियुक्ती करण्यात आली. कुणाल कुमार हे १९९९च्या बॅचचे भारतीय प्रशासकीय सेवेतील अधिकारी आहेत. गेल्या काही दिवसांपासून महापालिकेचे आयुक्तपद रिक्त होते.पुणे महापालिकेचे आयुक्त विकास देशमुख यांची काही दिवसांपूर्वीच राज्य सरकारने पुण्याचे विभागीय आयुक्त म्हणून पदोन्नती देऊन बदली केली. त्यावेळी पुणे महापालिकेच्या आयुक्तपदी कोणाचीही नियुक्ती करण्यात आली नव्हती. येत्या काही दिवसांमध्ये राज्यात विधानसभा निवडणुकीची आचारसंहिता लागण्याची शक्यता आहे. त्यापार्श्वभूमीवर सरकारने पुणे महापालिकेच्या आयुक्तपदी कुणाल कुमार यांची नियुक्ती करण्याची घोषणा केली.
