20 October 2020

News Flash

दरड कोसळल्याने द्रुतगती मार्गावरून मुंबईकडे जाणारी वाहतूक बंद

पुणे-मुंबई द्रुतगती मार्गावर खंडाळा घाटातील बोगद्याजवळ दरड कोसळल्याने या मार्गावरील वाहतूक तूर्त बंद करण्यात आली आहे.

| June 22, 2015 11:22 am

पुणे-मुंबई द्रुतगती मार्गावर खंडाळा घाटातील बोगद्याजवळ दरड कोसळल्याने या मार्गावरील वाहतूक बंद करण्यात आली आहे. पुण्याहून मुंबईच्या दिशेने जाणारी वाहतूक जुन्या पुणे-मुंबई महामार्गावरून वळविण्यात आली असल्याची माहिती मिळाली आहे. संध्याकाळपर्यंत द्रुतगती मार्गावरील वाहतूक बंदच राहण्याची शक्यता वर्तविण्यात येते आहे.
गेल्या दोन दिवसांपासून लोणावळ्यामध्ये मुसळधार पाऊस पडतो आहे. त्यातच सोमवारी सकाळी खंडाळा घाटातील बोगद्याजवळ दरड कोसळली. यामुळे सुरक्षेच्या कारणास्तव या मार्गावरील वाहतूक थांबविण्यात आली आहे. ही वाहतूक जुन्या पुणे-मुंबई महामार्गावरून वळविण्यात आली आहे. मुंबईहून पुण्याच्या दिशेने येणारी वाहतूक द्रुतगती मार्गावरून धीम्या गतीने सुरू आहे. दरड बाजूला करण्याचे काम सुरू करण्यात आले आहे. दरम्यान, आठवड्याच्या पहिल्या दिवशी, सोमवारी ही घटना घडल्याने महामार्गावर वाहतुकीची कोंडी झाल्याची माहिती मिळाली आहे. दोन्ही बाजूंनी वाहनांच्या मोठ्या रांगा लागल्याचे चित्र सकाळी पाहायला मिळत होते.
(संग्रहित छायाचित्र)

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 22, 2015 11:22 am

Web Title: land slide near khandala on eway traffic diverted
Next Stories
1 पृथ्वीराज चव्हाण खोटारडे – अजित पवार यांचा पलटवार
2 ‘महेश लांडगेचे योग्य वेळी पाहू’ – अजित पवार
3 शहराची सकाळ योगमय !
Just Now!
X