News Flash

आझाद हिंद एक्सप्रेसच्या डब्यात एके-४७ रायफलची काडतुसे सापडली

आझाद हिंद एक्सप्रेसच्या डब्यात सापलेली ११ काडतुसे जप्त करण्यात आली आहेत.

संग्रहित प्रतिनिधिक छायाचित्र

पोलिसांकडून ११ काडतुसे जप्त

पुणे : आझाद हिंद एक्सप्रेसच्या डब्यातील कचरा टाकण्याच्या बादलीत एके-४७ रायफलची काडतुसे सापडल्याची घटना मंगळवारी उघडकीस आली. पोलिसांनी एके-४७ रायफलची ११ काडतुसे जप्त केली आहेत.

आझाद हिंद एक्सप्रेस कोलकाता ते पुणे दरम्यान धावते. सोमवारी कोलकात्यातून आलेली आझाद हिंद एक्सप्रेस स्वच्छतेसाठी घोरपडीतील रेल्वेच्या यार्डात लावण्यात आली. त्यातील एका डब्याची सफाई करत असताना कचरा पेटीत एके-४७ रायफलची सात जिवंत काडतुसे आढळून आली तसेच आणखी चार काडतुसेही सापडली.

या घटनेची माहिती स्वच्छता विभागाच्या व्यवस्थापकांनी रेल्वे सुरक्षा दलातील (आरपीएफ) अधिकाऱ्यांना  दिली. पुणे लोहमार्ग पोलिसांचे पथक घटनास्थळी पोहोचले.

आझाद हिंद एक्सप्रेसच्या डब्यात सापलेली ११ काडतुसे जप्त करण्यात आली आहेत. या प्रकरणाचा तपास सुरू असल्याची माहिती पुणे रेल्वे स्थानक लोहमार्ग पोलीस ठाण्यातील वरिष्ठ पोलीस निरीक्षक सुरेशसिंह गौड यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 5, 2020 5:49 am

Web Title: live ak 47 cartridges found in azad hind express zws 70
Next Stories
1 कोथरूडमध्ये रिक्षाचालकाने ज्येष्ठ महिलेकडील रोकड लुटली
2 रुग्णालयात दाखल २० जणांना करोनाचा संसर्ग नसल्याचा एनआयव्हीचा निर्वाळा
3 ‘टेमघर’ची दुरुस्ती लांबणीवर
Just Now!
X