News Flash

स.प. महाविद्यालयाची ‘३०० मिसिंग’ महाअंतिम फेरीत

‘लोकसत्ता लोकांकिका’ स्पर्धेची पुणे विभागाची अंतिम फेरी जल्लोषात

लोकसत्ता लोकांकिकास्पर्धेची पुणे विभागाची अंतिम फेरी जल्लोषात

आपल्या महाविद्यालयाची एकांकिका सुरू झाली की सरसावून बसणारे विद्यार्थी.. त्याचवेळी सेट.. रेडी, लाईट्स.. रेडी, साऊंड.. रेडी.. अशी पडद्यामागे चाललेली लगबग.. अशा सगळ्या उत्साही वातावरणात आणि तरुणाईच्या जल्लोषात स. प. महाविद्यालयाचा ‘आव्वाज’ बुधवारी घुमला. सॉफ्ट कॉर्नर प्रस्तुत ‘लोकसत्ता लोकांकिका’ राज्यस्तरीय आंतरमहाविद्यालयीन एकांकिका स्पर्धेच्या पुणे विभागीय अंतिम फेरीत स. प. महाविद्यालयाच्या ‘३०० मिसिंग’ या एकांकिकेने प्रथम पारितोषिकासह महाअंतिम फेरी गाठली. या फेरीत आबासाहेब गरवारे महाविद्यालयाच्या ‘नेकी’ या एकांकिकेने द्वितीय आणि सिंहगड अभियांत्रिकी महाविद्यालयाच्या ‘पाहुणा’ या एकांकिकेने तृतीय क्रमांक पटकावला.

महाविद्यालयीन विद्यार्थ्यांच्या जल्लोषात सुरू झालेल्या ‘लोकसत्ता लोकांकिका’ स्पर्धेच्या पुणे विभागीय अंतिम फेरीतील  चुरस बुधवारी रंगली. दिग्दर्शन, लेखन, अभिनय, नेपथ्य, प्रकाशयोजना अशा वैयक्तिक पारितोषिकांसह सांघिक प्रथम क्रमांकाचे पारितोषिक स. प. महाविद्यालयाच्या ‘३०० मिसिंग’ या एकांकिकेने पटकावले. सांघिक द्वितीय क्रमांकाचे पारितोषिक आबासाहेब गरवारे महाविद्यालयाच्या ‘नेकी’ या एकांकिकेने, तर सांघिक तृतीय क्रमांकाचे पारितोषिक सिंहगड अभियांत्रिकी महाविद्यालयाच्या ‘पाहुणा’ या एकांकिकेने पटकावले.

‘सॉफ्ट कॉर्नर’ प्रस्तुत राज्यभरातील आठ केंद्रांवर ‘लोकसत्ता लोकांकिका’ ही स्पर्धा होत आहे. प्रसिद्ध दिग्दर्शक किरण यज्ञोपवित आणि प्रसिद्ध अभिनेत्री अश्विनी गिरी यांनी या फेरीचे परीक्षण केले. प्राथमिक फेरीचे आव्हान पार करून आलेल्या सवरेत्कृष्ट चार एकांकिका विभागीय अंतिम फेरीत सादर झाल्या. ‘अस्तित्व’च्या सहकार्याने ‘लोकसत्ता लोकांकिका’ ही स्पर्धा होत असून ‘आयरिस प्रॉडक्शन्स’ टॅलेंट पार्टनर आहेत. ‘झी युवा’, ‘क्रिएटिव्ह अ‍ॅकॅडमी, पुणे’, ‘केसरी’ हे या स्पर्धेचे सहप्रायोजक आहेत.

untitled-3

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 9, 2016 12:57 am

Web Title: loksatta lokankika competitions 9
Next Stories
1 घरांचे व्यवहार थंडच; महसुलात निम्म्याहून अधिक घट
2 कन्या सासुऱ्यासी जाये। मागे परतोनि पाहे।।
3 मेट्रोला निधी कमी पडू देणार नाही – गिरीश बापट
Just Now!
X