News Flash

‘लोकसत्ता मार्ग यशाचा’ उद्या पुण्यात

‘लोकसत्ता मार्ग यशाचा’ हा उपक्रम मंगळवारी (८ डिसेंबर) पुण्यात होणार असून कार्यक्रमापूर्वी तासभर आधी प्रवेशिका मिळणार आहेत.

करीअर निवडण्यापासून ते निभावण्यापर्यंतच्या प्रवासात येणारी विविध वळणे पार करण्यासाठी तज्ज्ञांचा हात मिळणार आहे. करीअर निवडीबाबत सर्वागाने माहिती देणारा एसआरएम युनिव्हर्सिटी प्रस्तुत  ‘लोकसत्ता मार्ग यशाचा’ हा उपक्रम मंगळवारी (८ डिसेंबर) पुण्यात होणार असून कार्यक्रमापूर्वी तासभर आधी प्रवेशिका मिळणार आहेत.
करीअरची निवड करताना पडणाऱ्या विविध प्रश्नांची उत्तरे ‘लोकसत्ता मार्ग यशाचा’ या उपक्रमाच्या माध्यमातून विद्यार्थ्यांना मिळणार आहेत. ‘रोबोमेट’ ही संस्था या उपक्रमासाठी सहप्रायोजक आहे. तीन सत्रात हा कार्यक्रम होणार आहे. कल चाचणी म्हणजे काय, ती कधी करावी, त्याच्या निष्कर्षांतून आपली वाट निश्चित कशी करावी अशा विविध मुद्दय़ांवर ज्ञानप्रबोधिनीच्या प्रज्ञा मानस संशोधिकेच्या नीलिमा आपटे मार्गदर्शन करणार आहेत. वेगवेगळ्या क्षेत्रातील संधी, त्याची प्रवेश प्रक्रिया, नवी क्षेत्र अशा विविध मुद्दय़ांवर प्रसिद्ध करीअर समुपदेशक विवेक वेलणकर मार्गदर्शन करणार आहेत. अगदी दहावी, बारावीच्या परीक्षांचा ताण, प्रवेश प्रक्रियेला सामोरे जाताना येणारा ताण, करीअरच्या निवडीनंतर त्या क्षेत्रातील आव्हानांना तोंड देताना येणाऱ्या ताणाचा सामना कसा करावा या विषयावर ज्येष्ठ मानसोपचार तज्ज्ञ डॉ. उल्हास लुकतुके संवाद साधणार आहेत.

‘लोकसत्ता मार्ग यशाचा’
कधी : मंगळवार (८ डिसेंबर), सायंकाळी ५ वाजता
कुठे : भरत नाटय़ मंदिर
प्रवेशिका कार्यक्रमाच्या ठिकाणी तासभर आधी मिळणार आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 7, 2015 2:45 am

Web Title: loksatta marg yashacha tomorow
टॅग : Loksatta,Marg Yashacha
Next Stories
1 कलावंताने लेखन करणे आवश्यक – डॉ. जब्बार पटेल यांचे मत
2 ‘स्त्रीसाहित्याचा मागोवा’ प्रकल्पातील चौथ्या खंडाचे शनिवारी प्रकाशन
3 रिकामटेकडी माणसेही कामाची असतात, हे अधोरेखित होईल- श्रीपाद सबनीस
Just Now!
X