News Flash

पं. अजय पोहनकर यांना मानद संगीताचार्य पदवी

अखिल भारतीय गांधर्व महाविद्यालय मंडळाचे विशेष संगीत संमेलन आणि संगीत शिक्षण अधिवेशन छत्तीसगढ राज्यातील कोरबा येथे आयोजित केले आहे.

अखिल भारतीय गांधर्व महाविद्यालय मंडळाचे विशेष संगीत संमेलन आणि संगीत शिक्षण अधिवेशन शनिवारपासून (२६ डिसेंबर) तीन दिवस छत्तीसगढ राज्यातील कोरबा येथे आयोजित करण्यात आले आहे. प्रदीर्घ आणि यशस्वी सांगीतिक कार्याची नोंद घेऊन पं. अजय पोहनकर यांना या संमेलनात ‘मानद संगीताचार्य’ या सर्वोच्च पदवीने गौरविण्यात येणार आहे. तीन दिवसांच्या या संमेलनात पं. अजय पोहनकर यांच्या गायनाबरोबरच यशवंत वैष्णव यांचे एकल तबलावादन, प्रज्ञा मिश्र यांचे गायन, पं. असीम चौधरी यांचे सतारवादन, सम्राट पंडित यांचे गायन, पं. बिरजू महाराज यांच्या शिष्यांचे कथक नृत्य होणार असून पं. विकास कशाळकर, डॉ. सुधा पटवर्धन आणि अजय हेडावू यांचे सप्रयोग व्याख्यान होणार आहे, असे गांधर्व महाविद्यालय मंडळाचे उपाध्यक्ष प्रा. माधव वसेकर यांनी कळविले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 24, 2015 3:13 am

Web Title: manad sangitacharya award to pandit ajay pohankar
Next Stories
1 ‘अंगभूत विचारक्षमतेच्या जोपासनेसाठी ब्लॉग बेंचर्स!’
2 कराडमधील गुंड सल्या चेप्याचा ससूनमध्ये मृत्यू
3 कुख्यात गुंड सल्या चेप्याचा पुण्यात मृत्यू
Just Now!
X