09 August 2020

News Flash

राष्ट्रीय सुरक्षा परिषदेत देशांतर्गत सुरक्षेवर चर्चा

पाषाण रस्त्यावरील ‘आयसर’ (भारतीय विज्ञान शिक्षण आणि संशोधनसंस्था) संस्थेच्या आवारात या परिषदेचे आयोजन करण्यात आले आहे.

 

पंतप्रधान नरेंद्र मोदींसह अमित शहांची उपस्थिती

देशभरातील पोलीस महासंचालकांच्या राष्ट्रीय पातळीवरील सुरक्षा परिषदेचा प्रारंभ शुक्रवारी येथे झाला. परिषदेचे मुख्य सूत्र न्यायवैद्यकीय तपास आणि शास्त्रीय तपास असे असून देशांतर्गत सुरक्षेवरही परिषदेत चर्चा होणार आहे. केंद्रीय गृहमंत्री अमित शहा यांनी या परिषदेत शुक्रवारी दुपारी मार्गदर्शन केले. परिषदेत शनिवारी (७ डिसेंबर) पंतप्रधान नरेंद्र मोदी मार्गदर्शन करणार असून शुक्रवारी रात्री त्यांचे लोहगाव विमानतळावर आगमन झाले. त्यांच्या स्वागतासाठी मुख्यमंत्री उद्धव ठाकरे उपस्थित होते.

पाषाण रस्त्यावरील ‘आयसर’ (भारतीय विज्ञान शिक्षण आणि संशोधनसंस्था) संस्थेच्या आवारात या परिषदेचे आयोजन करण्यात आले आहे. परिषदेच्या दुपारच्या सत्रात शहा यांनी देशभरातील पोलीस महासंचालकांना मार्गदर्शन केले. या निमित्ताने एका पुस्तिकेचे प्रकाशनही शहा यांच्या हस्ते करण्यात आले. परिषदेचा मुख्य विषय न्यायवैद्यकीय तपास आणि शास्त्रीय तपास असा आहे. तंत्रज्ञानातील बदलांवर तसेच देशांतर्गत सुरक्षेवर या परिषदेत चर्चा केली जाणार आहे.

तीन दिवसांच्या परिषदेची सांगता रविवारी (९ डिसेंबर) होईल. राष्ट्रीय सुरक्षा परिषदेचे सल्लागार अजित डोवाल, उपसल्लागार दत्ता पडसलगीकर यांच्यासह १८० पेक्षा जास्त वरिष्ठ अधिकारी परिषदेत सहभागी झाले आहेत.

या परिषदेच्या निमित्ताने आयसर संस्थेच्या आवारात, तसेच पाषाण, बाणेर रस्त्यावर शुक्रवारी मोठा बंदोबस्त तैनात करण्यात आला होता. दरम्यान, शहा यांचे दुपारी लोहगाव येथील हवाई दलाच्या तळावर आगमन झाले. हवाई दल अधिकारी एअर कमोडोर राहुल भसीन, केंद्रीय गुप्तचर विभागाचे प्रमुख अरविंद कुमार, राज्याचे पोलीस महासंचालक सुबोधकुमार जायस्वाल, पुण्याचे पोलीस आयुक्त डॉ. के. वेंकटेशम, उपजिल्हाधिकारी अमृत नाटेकर, तसेच भारतीय जनता पक्षाचे महाराष्ट्र प्रदेश उपाध्यक्ष योगेश गोगावले, जयंत येरवडेकर आदी या वेळी उपस्थित होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 7, 2019 2:25 am

Web Title: national security council narendra modi amit shah akp 94
Next Stories
1 आता उत्सुकता विभागीय अंतिम फेरीची!
2 तोंड दाबून बुक्क्य़ांचा मार..
3 भाजपचे सहयोगी खासदार संजय काकडे म्हणतात, हे सरकार टिकेल
Just Now!
X