News Flash

नयना पुजारी खून खटला: अखेर योगेश राऊत पोलिसांच्या तावडीत

संगणक अभियंता नयना पुजारी खूनप्रकरणातील फरार आरोपी योगेश राऊतला पकडण्यात पुणे पोलिसांच्या दरोडा प्रतिबंधक विभागाला यश आले.

| May 31, 2013 02:51 am

संगणक अभियंता नयना पुजारी खूनप्रकरणातील फरार आरोपी योगेश राऊतला पकडण्यात पुणे पोलिसांच्या दरोडा प्रतिबंधक विभागाला यश आले. राऊतला पोलिसांनी गुरुवारी दिल्लीमध्ये अटक केली. राऊत पळून गेल्याच्या घटनेला आता दोन वर्ष होत आली असून तो पोलिसांना गुंगारा देत होता. 
खराडी येथील सॉफ्टवेअर कंपनीतील इंजिनिअर असलेली नयना पुजारी ८ ऑक्टोबर २००९ रोजी काम संपवून बससाठी थांबली असताना तिला मोटारीत लिफ्ट देऊन तिच्यावर चौघांनी बलात्कार केला होता. त्यानंतर डोक्यात दगड घालून तिचा खून केला व राजगुरुनगरजवळील जंगलात मृतदेह टाकून दिला होता. या प्रकरणी योगेश राऊत, महेश ठाकूर, विश्वास कदम आणि राजेश चौधरी यांना अटक करण्यात आली होती. या खटल्यात विशेष सरकारी वकील म्हणून अ‍ॅड. हर्षद निंबाळकर यांची नियुक्ती करण्यात आली. खटल्याच्या सुनावणीस सुरुवात झाल्यानंतर आरोपींपैकी राजेश चौधरी याला माफीचा साक्षीदार करण्यात आले व त्याचा कबुलीजबाब नोंदवण्यात आला. खटल्यास सुरुवात झाल्यानंतर उपचारांसाठी राऊतला ससून रुग्णालयात नेले असता सप्टेंबर २०११ मध्ये तो पळून गेला. राऊत हा या गुन्ह्य़ातील मुख्य आरोपी असल्यामुळे खटला लांबत गेला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 31, 2013 2:51 am

Web Title: nayana pujari murder case yogesh raut arrested by pune police
Next Stories
1 सलाइनच्या बाटलीत बुरशी!
2 कोण होतं बारावीला? अरे, मीच होतो बारावीला..
3 पुण्यात आपल्याला संधी आहे; तुम्ही प्रामाणिकपणे काम करा
Just Now!
X