News Flash

पुणे : विलास लांडे, राहुल कलाटे यांचे प्रकाश आंबेडकरांना पाठिंब्यासाठी साकडं

गुप्त बैठकीत झाली चर्चा; बुधवारी होणार निर्णय

वंचित बहुजन आघाडीचे अध्यक्ष प्रकाश आंबेडकर आणि त्यांच्या कार्यकर्त्यांची सोमवारी पिंपरी-चिंचवड शहरात गुप्त बैठक झाली. बैठकीत राष्ट्रवादी पुरस्कृत अपक्ष उमेदवार विलास लांडे आणि शिवसेनेचे बंडखोर राहुल कलाटे यांनी आंबेडकर यांची भेट घेतली. अद्याप त्यांच्यात काय चर्चा झाली हे समजू शकलेले नाही. मात्र, दोन्ही उमेदवारांनी वंचित बहुजन आघाडीचा पाठिंबा मिळावा यासाठी भेट घेतल्याचं म्हटलं जातं आहे.

दरम्यान, या प्रकरणी प्रकाश आंबेडकर यांच्याशी संपर्क साधला असता यावर उद्या (बुधवारी) निर्णय घेतला जाणार असल्याचे त्यांनी लोकसत्ता ऑनलाइनशी बोलताना सांगितले. जर वंचित कडून दोन्ही उमेदवारांना पाठिंबा मिळाला तर भाजपाच्या उमेदवारांना मोठा फटका बसल्याची शक्यता नाकारता येत नाही.

सोमवारी पिंपरी-चिंचवड शहरातील एका हॉटेलमध्ये राज्यातील वंचित बहुजन आघाडी च्या नेत्यांची गुप्त बैठक झाली. यात पक्षासंदर्भात बैठकीत चर्चा झाली असून त्यानंतर राष्ट्रवादी पुरस्कृत अपक्ष उमेदवार विलास लांडे आणि शिवसेनेचे बंडखोर राहुल कलाटे यांनी प्रकाश आंबेडकर यांची वैयक्तिक भेट घेतली. त्यांच्यात पाठिंब्या विषयी सकारात्मक चर्चा झाल्याचं सांगण्यात येत असून या विषयी बुधवारी आपली भूमिका स्पष्ट करणार असल्याचे प्रकाश आंबेडकर यांनी सांगितले आहे. असे झाल्यास या सर्व घडामोडींमुळे भाजपा शिवसेना युतीच्या उमेदवारांना मोठा फटका बसण्याची शक्यता वर्तवण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 8, 2019 12:53 pm

Web Title: ncp support candidate vilas lande rahul kalate met prakash ambedkar for support pune maharashtra vidhan sabha election 2019 jud 87
Next Stories
1 VIDEO: ९८ वर्षांचे बाबासाहेब पुरंदरे संघाच्या पथसंचलनात झाले सहभागी
2 VIDEO: महालक्ष्मीला नेसविण्यात आली १६ किलोंची सोन्याची साडी
3 पुण्यात होणार ‘राज’गर्जना; मनसेला मैदान मिळालं
Just Now!
X