पुणे : विषयाची सर्वसमावेशक आणि मुद्देसूद मांडणी, आत्मविश्वासपूर्ण सादरीकरणाच्या जोरावर आबासाहेब गरवारे महाविद्यालयाच्या निखिल बेलोटे याने ‘लोकसत्ता वक्ता दशसहस्रेषु’ या वक्तृत्त्व स्पर्धेच्या पुणे केंद्रावरील अंतिम फेरीत बाजी मारली.

रविवार, १७ मार्चला मुंबईत होणाऱ्या महाअंतिम फेरीत निखिल बेलोटे पुणे विभागाचे प्रतिनिधित्व करणार आहे.

Dates of 299 exams of Mumbai University summer session announced Mumbai
मुंबई विद्यापीठाच्या उन्हाळी सत्रातील २९९ परीक्षांच्या तारखा जाहीर; दोन लाखांहून अधिक विद्यार्थी परीक्षार्थी
student copying Nashik division
नाशिक : पहिल्या दिवशी नक्कल करणारे दोन जण ताब्यात, विभागात दहावी परीक्षेला सुरुवात
Pune pubs
पुण्यात आता मध्यरात्री दीडपर्यंत ‘चिअर्स’… पब, मद्यालयांबाबत पोलीस आयुक्तांचा मोठा निर्णय
Kalyan Dombivli, municipal corporation, Tree Census, 7 Lakh Trees, Reveals,
कल्याण डोंबिवली पालिका हद्दीत सात लाखाहून अधिक वृक्ष, दोन हजार ६५० वारसा वृक्षांचा समावेश

स्पर्धेची अंतिम फेरी स. प. महाविद्यालयाच्या सभागृहात बुधवारी आयोजित करण्यात आली होती. महाविद्यालयाचे प्राचार्य डॉ. दिलीप शेठ प्रमुख पाहुणे म्हणून उपस्थित होते. सावित्रीबाई फुले पुणे विद्यापीठाचे प्र कुलगुरू डॉ. एन. एस. उमराणी आणि ज्येष्ठ लेखिका मंगला गोडबोले यांनी परीक्षण केले. ‘लोकसत्ता’चे सहायक संपादक मुकुंद संगोराम, ‘द इंडियन एक्स्प्रेस समूहा’च्या वितरण विभागाचे सरव्यवस्थापक मिलिंद प्रभुघाटे, स्पेस मार्केटिंगचे व्हाइस प्रेसिडेंट केव्हिन सँटोस आदी या वेळी उपस्थित होते. विभागीय अंतिम फेरीसाठी – लक्ष्यभेदी नवा पर्याय?, गल्लीबॉयचे भवितव्य, खेळातील परके शेजारी, पुढारलेल्यांचे आरक्षण हे विषय देण्यात आले होते. अंतिम फेरीत दहा स्पर्धकांनी सादरीकरण केले.