News Flash

लघुउद्योजकांच्या समस्येसाठी लवकरच बैठक – आयुक्त

उद्योजकांनी ‘सीएसआर’ फंडातून स्वच्छता, पर्यावरण, आरोग्य आदी कामांसाठी पैसे खर्च करावेत.

‘सीएमएस’च्या वतीने आयोजित चिंचवड येथील कार्यक्रमात आयुक्त राजीव जाधव यांच्या हस्ते स्मरणिकेचे प्रकाशन करण्यात आले.

पिंपरी महापालिका क्षेत्रातील लघुउद्योजकांना अनेक समस्यांना सामोरे जावे लागते, त्यासाठी लवकरच बैठकीचे आयोजन करण्यात येईल, अशी ग्वाही आयुक्त राजीव जाधव यांनी गुरूवारी दिली.
पुणे व पिंपरी-चिंचवड शहरातील मध्यम व लघुउद्योजकांसाठी चिंचवड येथे आयोजित करण्यात आलेल्या ‘व्हायब्रंट एसएमई २०१६’ चे उद्घाटन केंद्र सरकारच्या लघु व मध्यम विभागाचे संचालक आर. बी. गुप्ते यांच्या हस्ते झाले, तेव्हा ते बोलत होते. या वेळी उपसंचालक अभय दप्तरदार, अनिल मित्तल, अप्पासाहेब शिंदे, अभय िखवसरा, नितेश मकवाना, दिलीप मॅथ्यू, आशा पाचपांडे, मोतीलाल सांकला, राजीव दशपुते आदी उपस्थित होते. या उपक्रमात २३ विविध प्रकारच्या उद्योगांमधील १५० प्रदर्शकांनी आपली उत्पादने सादर केली आहेत. आयुक्त म्हणाले,‘‘ पिंंपरी-चिंचवड ऑटो आणि आयटी हब असून येथील लघुउद्योजकांना अनेक समस्यांना सामोरे जावे लागते. त्यासाठी १५ दिवसात बैठक लावू आणि ते प्रश्न सोडवू. उद्योजकांनी ‘सीएसआर’ फंडातून स्वच्छता, पर्यावरण, आरोग्य आदी कामांसाठी पैसे खर्च करावेत.’’ प्रास्ताविक अप्पा शिंदे यांनी केले. अनिल मित्तल यांनी स्वागत केले. नितेश मकवाना यांनी आभार मानले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 4, 2016 3:10 am

Web Title: opening of vibrant sme 2016
Next Stories
1 हसवाफसवी
2 बहुराष्ट्रीय संयुक्त सरावाचा शानदार प्रारंभ
3 कात्रज घाटाजवळ एसटी बस पेटली; प्रवासी सुखरूप
Just Now!
X