24 October 2020

News Flash

टाळेबंदीबाबत आदेश आज

सवलती कायम राहण्याची शक्यता

संग्रहित छायाचित्र

सवलती कायम राहण्याची शक्यता

पुणे : महापालिके कडून टाळेबंदीसंदर्भातील सुधारित आदेश बुधवारी जाहीर के ले जाणार आहेत. पोलिसांबरोबर बैठक घेऊन हे आदेश काढले जाणार आहेत. टाळेबंदीमधील निर्बंध कठोर होण्याची शक्यता कमीच असून सवलतीही कायम राहणार आहेत. पुण्यातील करोना परिस्थिती नियंत्रणात असल्याचा दावा महापालिका प्रशासनाकडून करण्यात आला असून त्या दृष्टीने के वळ प्रतिबंधित क्षेत्राची फे ररचना करण्यात येणार आहे.

राज्य सरकारने टाळेबंदीच्या सहावा टप्पा ३१ जुलैपर्यंत वाढविला आहे. ज्या शहरात जास्त रुग्ण आहेत, त्या शहरांमध्ये पुन्हा निर्बंध लागू करण्याचे अधिकार राज्य शासनाने महापालिका आयुक्त आणि जिल्हाधिकाऱ्यांना दिले आहेत. या पार्श्वभूमीवर महापालिके कडून शहरातील परिस्थितीचा आढावा घेऊन बुधवारी सुधारित आदेश काढले जाणार आहेत.

शहरातील करोनाची परिस्थिती नियंत्रणात असल्यामुळे टाळेबंदीचे नियम कठोर के ले जाणार नाहीत. प्रतिबंधित क्षेत्राची फे रचना करण्यात येणार आहे. तसेच यापूर्वी दिलेल्या सर्व सवलतीही कायम ठेवल्या जातील, असे महापालिका आयुक्त शेखर गायकवाड यांनी सांगितले.

शहरातील रुग्णसंख्या वाढत आहे. गेल्या काही दिवसांपासून तर रुग्णसंख्येने नियमितपणे पाचशेची संख्या ओलांडली आहे.

मात्र शहरातील परिस्थिती नियंत्रणात असल्याचा दावा महापालिके कडून करण्यात आला आहे. करोनाबाधित रुग्णांची तातडीने तपासणी करण्यासाठी रॅपिड अँटिजेन टेस्ट हे उपकरणही महापालिके ला प्राप्त झाले आहे. त्यामुळे करोना संसर्गावर नियंत्रण ठेवणे शक्य होईल, असा दावाही करण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 1, 2020 2:44 am

Web Title: order regarding lockdown today zws 70
Next Stories
1 ऑनलाइन शिक्षण, घरकाम करताना शिक्षिकांची कसरत
2 बारामतीत पुन्हा बिबटय़ाचा वावर
3 आयात बंद असल्याने खाद्यतेले महागली
Just Now!
X