News Flash

हिंजवडीत रस्त्यावर पाकिस्तानी झेंडा मिरविण्याचे दृश्य सीसीटीव्हीत चित्रित

पोलिसांकडून संबंधित तरुणांचा शोध सुरू

प्रतिकात्मक छायाचित्र

पोलिसांकडून संबंधित तरुणांचा शोध सुरू

हिंजवडीमधील रस्त्यांवर काही तरुण पाकिस्तानी झेंडा घेऊन दुचाकीवरून जात असतानाचे दृश्य सीसीटीव्हीमध्ये चित्रित झाले आहे. पोलिसांनी त्या अधारे त्या तरुणांचा शोध घेण्यास सुरुवात केली आहे. या परिसरात सतर्कतेचा इशाराही देण्यात आला आहे. हा प्रकार शनिवारी (दि.१६) दुपारी बारा वाजण्याच्या सुमारास घडला.

पोलिसांनी दिलेल्या माहितीनुसार, हिंजवडी परिसरामध्ये शनिवारी दुपारी बाराच्या सुमारास काही तरुण पाकिस्तानचा झेंडा घेऊन दुचाकीवरून जातानाचे दृश्य पुणे पोलीस मुख्यालयातील सीसीटीव्ही कक्षात दिसून आले. पुणे पोलिसांनी पिंपरी-चिंचवड नियंत्रण कक्षाला याबाबत तत्काळ माहिती दिली. पुलवामा येथे नुकत्याच झालेल्या दहशतवादी हल्ल्याच्या पाश्र्वभूमीवर हा प्रकार समोर आल्याने पोलिसांनी तातडीने पावले उचलली.

नियंत्रण कक्षाला माहिती मिळताच हिंजवडी, वाकड आणि सांगवी परिसरात सतर्कतेचा इशारा देण्यात आला. तीनही पोलीस ठाण्यातील पोलिसांनी त्या तरुणांचा शोध सुरू केला आहे.शनिवारी संबंधित तरुणांचा पोलिसांनी शोध घेतला मात्र ते सापडले नाहीत. दुसऱ्या दिवशीही दिवसभर विविध पथकांच्या माध्यमातून तरुणांचा शोध घेण्यात आला. रात्री उशिरापर्यंत पोलिसांना कोणतीही माहिती मिळाली नव्हती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 18, 2019 1:10 am

Web Title: pakistan flag in pune
Next Stories
1 ‘सीआरपीएफ’ च्या जवानाला पोलिसांकडून मारहाण?
2 बारामतीत सीआरपीएफ जवानाला पोलिसांकडून बेदम मारहाण
3 युतीचं भवितव्य माहिती नाही पण, शिवसेनेचे किमान १५० आमदार असतील : आदित्य ठाकरे
Just Now!
X