30 September 2020

News Flash

लोणावळा-पुणे लोकलला रोजचा उशीर, संतापलेल्या प्रवाशांचा रेल रोको

चिंचवड, पिंपरी, कासारवाडी आणि दापोडी येथे लोकल थांबवण्यात आली

संग्रहित छायाचित्र

लोणावळा ते पुणे दरम्यान जी लोकल सेवा सुरू आहे ती दररोज अनेक नागरिक वापरतात. पिंपरी चिंचवड असो किंवा पुणे शहर या ठिकाणी लोणावळ्यापासून मावळ परिसरातले अनेक नागरिक नोकरी करतात. पुणे, पिंपरीपासून लांबच्या अंतरावर राहणाऱ्या लोकांना याच लोकलचा आधार असतो. मात्र या लोकल अनेकदा वेळेवर येतच नाहीत. त्यामुळे कामावर जाणाऱ्या नागरिकांचा खोळंबा होतो.

याच रोषातून आज नोकरदार प्रवाशांनी वर्गाने पिंपरी रेल्वे स्थानकावर लोणावळा-पुणे ही तब्बल १५ मिनिटं थांबवून आपला संताप व्यक्त केला. ते तेवढ्यावरच थांबले नाहीत प्रवाशांनी अगोदर चिंचवड, पिंपरी, कासारवाडी आणि दापोडी येथे लोकल थांबवली होती अशी माहिती रेल्वे कर्मचाऱ्यानी दिली आहे.

पुणे हे शिक्षणाचे माहेर घर आहे तर पिंपरी-चिंचवड ही उद्योग नगरी मानली जाते. त्यामुळे पिंपरी-चिंचवड शहरात आणि पुणे येथे अनेक नागरिक, तरुण हे शिक्षणासाठी आणि कामासाठी दाखल होतात. पर्याय म्हणून ते रेल्वेने प्रवास करत असतात. परंतु, रेल्वेच्या ढिसाळ कारभाराचा फटका अनेक नोकरदार वर्गाला आणि विद्यार्थाना बसला आहे.

लोकल कधीच वेळेवर येत नसल्याची ओरड प्रवाश्यांमध्ये आहे. प्रवाशी वेळवेवर पाहिजे त्या ठिकाणी पोहचत नसल्याने आज सकाळी लोणावळा-पुणे लोकल रेल्वेवर नागरिकांनी संताप व्यक्त केला. लोणावल्यावरून निघालेली साडे नऊ ची लोकल नागरिकांनी चिंचवड येथे काही मिनिटं त्यानंतर पिंपरी रेल्वे स्थानकात १५ मिनिटं तर कासारवाडी, दापोडी येथे काही मिनिटं अडवून धरली होती. अशी माहिती रेल्वे कर्मचाऱ्यानी दिली आहे. त्यामुळे इथून पुढे तरी रेल्वे (लोकल) वेळेवर येते की नाही हे पाहणे महत्त्वाचे आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 28, 2019 11:06 am

Web Title: people made rail roko because time table is not following on lonawala pune local line scj 81
Next Stories
1 पुण्यात पालख्यांच्या बंदोबस्तासाठी चाललेल्या पोलिसाचा अपघाती मृत्यू
2 शहरात मुसळधार पाऊस ; एका तासात ७१ मि.मी.ची नोंद
3 टाटा मोटर्सच्या कार विभागात महिनाभरात १० दिवस ‘काम बंद’
Just Now!
X