News Flash

“वैद्यकीय सुट्टीवर असताना पोलीस निरीक्षक गणवेशात आला अन्…”; आयुक्तांनी तडकाफडकी केलं निलंबित

पोलीस आयुक्त कृष्ण प्रकाश यांनी पोलीस खात्याची प्रतिमा मलिन केल्याप्रकरणी पोलीस उपनिरीक्षक मिलन कुरकुटे यांना निलंबित केलं.

police1

पिंपरी-चिंचवड पोलीस आयुक्तालयातील वैद्यकीय रजेवर असलेल्या पोलीस अधिकाऱ्याने पुणे पोलीस आयुक्तालयाच्या परिसरात असणाऱ्या हॉटेल मालक आणि मॅनेजरशी हुज्जत घालत पैशांची मागणी केल्याचं प्रकरण समोर आलं आहे. या प्रकरणी संबंधित पोलीस अधिकाऱ्याला पोलीस आयुक्त कृष्ण प्रकाश यांनी तडकाफडकी निलंबित केले आहे. गंभीर बाब म्हणजे रजेवर असताना पोलीस गणवेशात जाऊन हॉटेल मालक आणि मॅनेजरशी हुज्जत घातली. मिलन कुरकुटे असं पोलीस उपनिरीक्षक पदावर कार्यकरत असलेल्या अधिकाऱ्याचे नाव आहे. या प्रकरणामुळे पिंपरी-चिंचवड पोलीस आयुक्तालयाची मान शरमेने खाली गेल्याची चर्चा पोलीस अधिकाऱ्यांमध्ये आहे.

मिळालेल्या माहितीनुसार, पैशांची मागणी करणारे पोलीस उपनिरीक्षक मिलन कुरकुटे हे पोलीस आयुक्तालयात नियंत्रण कक्ष या ठिकाणी नेमणुकीस होते. मात्र २१ ऑगस्ट २०२१ पासून ते वैद्यकीय रजेवर होते. परंतु,  २४ ऑगस्ट २०२१ रोजी रजेवर असताना देखील पुणे पोलीस आयुक्तालयातील मुंढवा येथील हॉटेल कार्निव्हल येथे गणवेशात जाऊन हॉटेल मालक आणि मॅनेजरशी हुज्जत घालून पैशांची मागणी केली होती. याबाबतची माहिती मुंढवा पोलिसांना मिळताच पिंपरी-चिंचवड पोलिसांना याची माहिती देण्यात आली. तेव्हा, संबंधित घटनेची गंभीर दखल घेत पोलीस आयुक्त कृष्ण प्रकाश यांनी पोलीस खात्याची प्रतिमा मलिन केल्याप्रकरणी पोलीस उपनिरीक्षक मिलन कुरकुटे यांना निलंबित केलं.

संबंधित पोलीस उपनिरीक्षक मिलन कुरकुटे हे या अगोदर एसीबीच्या जाळ्यात अडकले होते. त्यामुळं त्यांची प्रतिमा ही लाचखोर पोलीस अधिकारी अशीच आहे…

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 25, 2021 6:23 pm

Web Title: pimpri chinchwad corrupt police officer was suspended rmt 84 kjp 91
Next Stories
1 धक्कादायक: पुण्यात नशेचं इंजेक्शन देऊन तरुणीवर बलात्कार!
2 अभिहस्तांतरणासाठी उत्स्फूर्त प्रतिसाद
3 पीएमआरडीएच्या आराखड्यावर वाद
Just Now!
X