चौसष्ट कलांचा अधिपती गणपती अन् साजिऱ्या गोजिऱ्या गौरीचे आगमन झाले. विविध कलागुणांचा आविष्कार हा या उत्सवाचा अविभाज्य भाग. यात पाककौशल्यही आलेच. गणरायांसाठी, गौरींसाठी गृहिणी रुचकर पक्वान्नांची रेलचेल करतात. अन् सुग्रास भोजन घरच्यांना खाऊ घालतात. या भोजनानंतर हवा सुगंधी, द्रव्ययुक्त, पाचकरसयुक्त, मधुररसयुक्त, त्रयोदशगुणी विडा.

या बातमीसह सर्व प्रीमियम कंटेंट वाचण्यासाठी साइन-इन करा

गुणवंत विडय़ासाठी कमीतकमी तेरा पदार्थ हवेत. नागवेलीचे कोवळे पान, चुना, कात, सुपारी, बडीशेप, गुंजपाला, जायपत्री, वेलदोडा, लवंग, गुलकंद, खोबरे, जेष्ठमध आणि कंकोळ. यात केशराची काडी घातल्यास स्वाद व लज्जत वाढते अन् हा होतो चर्तुदशगुणी विडा. खायचा कापूर अन् केवडा घातला तर षष्ठोदशगुणी विडा होतो! यातील चुना वगळला तर सर्व पदार्थ वनस्पतीजन्य आहेत आणि त्यातील काही वनस्पती आपण बागेत लावू शकतो.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Plants used for ganapathi puja
First published on: 30-08-2017 at 11:02 IST