चिखली येथील मोरेवस्तीमध्ये पोलीस गस्त घालत असताना सराईत गुन्हेगार विक्की खवळे व नातेवाईकांनी पोलीस गाडीला अडवून कर्मचाऱ्यांना शिवीगाळ आणि धक्काबुक्की केली. ही घटना सकाळी ११ वाजता घडली.  विक्की खवळे, सुमन खवळे, अंकिता ससाणे, सुरेखा ससाणे, मीना खवळे, बाबा खवळे अशी ताब्यात घेतलेल्या आरोपींची नावे आहेत.

पोलिसांनी दिलेल्या माहितीनुसार सहाय्यक पोलीस निरीक्षक एम. सोनवणे यांचे पथक गस्त घालत असताना विक्की खवळे याने गाडी अडवून पोलिसांशी हुज्जत घातली आणि पोलीस गाडीतून उतरताच धक्काबुकी केली. तसेच पोलीस कारवाई करण्यास सुरुवात करताच शिवीगाळ केली. या प्रकरणी विक्की खवळे सह नातेवाईकांना ताब्यात घेतले. सरकारी कामात अडथळा आणला म्हणून गुन्हा दाखल केला आहे. पुढील तपास सहाय्यक पोलीस निरीक्षक एस. एम. पवार हे करत आहेत. विक्की खवळे याला १ जानेवारीला खंडणीच्या गुन्ह्यात अटक केली होती.