News Flash

महापालिका निवडणुका रद्द करण्याची प्रकाश आंबेडकरांची मागणी

ईव्हीएममध्ये गैरप्रकार होतो हे सिद्ध झाले आहे असे प्रकाश आंबेडकरांनी म्हटले

भारिप बहुजन महासंघाचे अध्यक्ष प्रकाश आंबेडकर

प्रगत राष्ट्रांमध्ये बॅलेट पेपर द्वारेच निवडणुका होतात. ईव्हीएम मशीन या सदोषही असू शकतात तेव्हा भारतच ईव्हीएम मशीनचा हट्ट का धरून बसला आहे? असा सवाल भारिप बहुजन महासंघाचे नेते प्रकाश आंबेडकर यांनी केला आहे.  निवडणुकादरम्यान ईव्हीएम मशीनमध्ये गैरप्रकार केल्याचा आरोप प्रकाश आंबेडकर यांनी आज पुण्यात एका कार्यक्रमा प्रसंगी केला. तसेच निवडणूक आयोगाने यामध्ये लक्ष देण्याची गरज असून प्रभागपद्धतीने झालेल्या निवडणुका घटनाबाह्य असल्याचे सांगत या निवडणुका रद्द कराव्या अशी मागणीही त्यांनी यावेळी केली.

यावेळी प्रकाश आंबेडकर म्हणाले की, सर्वोच्च न्यायालयात भाजपचे खासदार सुब्रमण्यम स्वामी यांनी ईव्हीएम मशीनमध्ये गैरप्रकार कसा केला जातो यावर याचिका दाखल केली होती. २०१३ साली सर्वोच्च न्यायालयाने ईव्हीएम मध्ये गैरप्रकार करता येणे शक्य असल्याचा निकाल दिला होता. त्याचबरोबर निवडणूक आयोगाला त्याची योग्य ती अंमलबजावणी करण्याचा आदेशही दिला होता. मात्र, निवडणूकीमध्ये याची अंमलबजावणी केली गेली नाही. ते पुढे म्हणाले की, अमेरिकेसारख्या प्रगत राष्ट्रामध्ये निवडणुकीत बॅलेट पेपरचा वापर करता येतो. मात्र, भारतामध्ये मोठ्या प्रमाणात ईव्हीएम मशीनचा गैरप्रकार होत असल्याचे समोर आले असतानाही निवडणूक आयोग त्यांच्या बाजूने का आहे हे समजत नाही, असा मुद्दा देखील त्यांनी उपस्थित केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 4, 2017 10:08 pm

Web Title: prakash ambedkar municipal election 2017 bharip bahujan mahasangh
Next Stories
1 पुण्यातील ससून रुग्णालयात रुग्णाची गळफास घेऊन आत्महत्या
2 पुणे महापालिकेतील राष्ट्रवादीचा गटनेता आणि शहराध्यक्ष उद्या ठरणार!
3 प्रेमभंगातून तरुणाची गळफास घेऊन आत्महत्या
Just Now!
X