पोलीस असल्याच्या बतावणीने चोरटय़ांनी ज्येष्ठ नागरिकाकडील दहा हजारांची रोकड लांबविल्याची घटना धनकवडी भागात घडली. नवनाथ लोकरे (वय ६६, रा. कात्रज) यांनी यासंदर्भात सहकारनगर पोलीस ठाण्यात फिर्याद दिली आहे.लोकरे सोमवारी दुपारी धनकवडी भागातून निघाले होते. त्या वेळी चोरटय़ाने त्यांना अडवले आणि पोलीस असल्याची बतावणी केली. या भागात चोरटे आले आहेत. रोकड काढून सुरक्षित ठेवा, अशी बतावणी केली. लोकरे यांना बोलण्यात गुंतवून चोरटय़ांनी त्यांच्याकडील दहा हजारांची रोकड लांबवली. सहायक फौजदार आर. पी. कदम तपास करत आहेत.
