20 January 2021

News Flash

पंतप्रधान नरेंद्र मोदी सिरम इन्स्टिट्यूटला उद्या चार वाजता भेट देणार

अदर पुनावाला आणि इतर शास्त्रज्ञांशी साधणार संवाद

(संग्रहित छायाचित्र)

करोना विषाणू या आजारावर पुण्यातील सिरम इन्स्टिट्यूट लस तयार करीत आहे. त्याबाबतचा आढावा घेण्यासाठी पंतप्रधान नरेंद्र मोदी हे उद्या शनिवारी एक वाजता भेट देणार होते. मात्र त्या वेळेत बदल झाला असून पंतप्रधान नरेंद्र मोदी हे दुपारी चार वाजण्याच्या सुमारास सिरम इन्स्टिट्यूटला भेट देणार असल्याची माहिती जिल्हा प्रशासनाकडून देण्यात आली आहे.

पुण्यातील मांजरी येथील सिरम इन्स्टिट्यूट ऑफ इंडियामध्ये कोविशिल्ड लस तयार करण्यात येत आहे. त्या लशीच्या प्रगतीचा आढावा घेण्यासाठी उद्या पंतप्रधान मोदी हे दुपारी १ ते २ या वेळेत येणार होते. मात्र त्या वेळेमध्ये बदल झाला असून आता पंतप्रधान नरेंद्र मोदी हे दुपारी चार वाजता सिरम इन्स्टिट्यूट ला भेट देणार आहे. त्यावेळी सिरम इन्स्टिट्यूटचे मुख्य कार्यकारी अधिकारी अदर पुनावाला यांच्यासह शास्त्रज्ञ आणि संशोधकांशी ते संवाद साधणार आहेत.

तर आणखी एका नियोजित दौऱ्यात बदल झाला असून ४ डिसेंबर रोजी १०० देशांचे राजदूत देखील या ठिकाणी येऊन कोविड लशीबाबत सध्य परिस्थितीचा आढावा घेणार होते. मात्र हा नियोजित दौरा काही कारणास्तव रद्द झाला असल्याची माहिती आज दुपारीच जिल्हा प्रशासनाकडून सांगण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 27, 2020 10:26 pm

Web Title: prime minister narendra modi will visit the serum institute tomorrow at 4 pm scj 81 svk 88
Next Stories
1 पुण्यात मागील २४ तासात ४०६ तर पिंपरीत २३५ नवे करोना रुग्ण
2 करोना: १०० देशांच्या राजदुतांचा सिरम इन्स्टिट्युटचा दौरा रद्द
3 राष्ट्रवादीचे आमदार भारत भालके यांची प्रकृती चिंताजनक, शरद पवारांनी घेतली भेट
Just Now!
X