लष्करप्रमुख जनरल मनोज नरवणे यांच्या उपस्थितीत शुक्रवारी कार्यक्रम

पुणे : राष्ट्रीय चित्रपट आणि दूरचित्रवाणी संस्थेतील (एफटीआयआय) दूरचित्रवाणी विभागाच्या सुवर्णमहोत्सवी वर्षांनिमित्त दूरचित्रवाणी विभागाच्या इमारतीला महाराष्ट्राचे लाडके व्यक्तिमत्त्व पु. ल. देशपांडे यांचे नाव देण्यात येणार आहे. त्या निमित्ताने लष्करप्रमुख जनरल मनोज नरवणे यांच्या उपस्थितीत शुक्रवारी (६ ऑगस्ट) कार्यक्रम होणार असून दूरचित्रवाणी विभागाच्या इमारतीच्या बाहेर पु. ल. देशपांडे यांच्या भित्तिचित्राचे अनावरणही करण्यात येणार आहे.

Jayant Patil on Ajit Pawar comparision to Modi- Shah
‘तुलना कुणाशी करायची, याचं भान…’, अजित पवारांच्या ‘त्या’ दाव्यानंतर जयंत पाटील यांचा टोला
pm Modi Yavatmal
पंतप्रधानांची यवतमाळमध्ये सभा, पोलिसांनी कशासाठी बजावली नोटीस?
bjp chief jp nadda unveils statue of ramnath goenka founder of indian express group
मुंबईच्या विकासातील योगदानाचा गौरव; ‘इंडियन एक्स्प्रेस’ समूहाचे संस्थापक रामनाथ गोएंकांसह १८ विभूतींच्या पुतळ्यांचे नड्डा यांच्या हस्ते लोकार्पण
Sabha Mandap spread over 26 acres for Prime Minister Narendra Modis meeting in yavatmal
यवतमाळ : पंतप्रधान नरेंद्र मोदी यांच्या सभेसाठी तब्बल २६ एकरांवर सभा मंडप, काय आहे वैशिष्ट्ये जाणून घ्या

एफटीआयआयचे संचालक भूपेंद्र कँथोला यांनी ही माहिती दिली. दूरचित्रवाणी विभागाच्या इमारतीला पु. ल. देशपांडे यांचे नाव देण्यासह दूरचित्रवाणी विभागातील दोन स्टुडिओंना पी. कुमार वासुदेव आणि प्रा. वसंत मुळे यांचे नाव देण्यात येणार आहे. या कार्यक्रमाला ज्येष्ठ दिग्दर्शिका सई परांजपे आणि ज्येष्ठ दिग्दर्शक डॉ. जब्बार पटेल, एफटीआयआयचे माजी संचालक आणि ज्येष्ठ अभिनेते डॉ. मोहन आगाशे, ज्येष्ठ नाटककार सतीश आळेकर, लेफ्टनंट जनरल जे. एस. जैन, सावित्रीबाई फुले पुणे विद्यापीठाचे कुलगुरू डॉ. नितीन करमळकर, राष्ट्रीय चित्रपट संग्रहालयाचे संचालक प्रकाश मगदूम यांच्यासह पु. ल. देशपांडे, पी. कुमार वासुदेव आणि प्रा. वसंत मुळे यांचे कुटुंबीयही उपस्थित राहणार आहेत.

एफटीआयआयचे संचालक भूपेंद्र कँथोला म्हणाले, की दूरचित्रवाणी विभागाची स्थापना १० ऑगस्ट १९७१ रोजी झाली होती. तेव्हापासून दूरदर्शनमधील अधिकाऱ्यांचे प्रशिक्षण, विविध अभ्यासक्रम यामुळे दूरचित्रवाणी विभागाला महत्त्व प्राप्त झाले. बहुआयामी व्यक्तिमत्त्व असलेले पु. ल. देशपांडे यांनी मराठीमध्ये साहित्य निर्मितीसह नाटक, चित्रपट, रेडिओ आणि दूरचित्रवाणी क्षेत्रातही मोठे योगदान दिले. त्यामुळे पु. ल. देशपांडे यांचे नाव दूरचित्रवाणी विभागाच्या इमारतीला देण्याचा निर्णय घेण्यात आला. संस्थेचे माजी विद्यार्थी असलेल्या पी. कुमार वासुदेव यांनी ‘हम लोग’ ही मालिका दिग्दर्शित केली होती. तर प्रा. वसंत मुळे एफटीआयआयमध्ये टेलिव्हिजन ट्रेनिंग सेंटरमध्ये शिक्षक होते. त्यामुळे दोन स्टुडिओंना त्यांची नावे देण्याचे ठरले.

एफटीआयआयला पहिल्यांदाच लष्करप्रमुखांची भेट

एफटीआयआयला भेट देणारे लष्करप्रमुख जनरल मनोज नरवणे हे पहिलेच लष्करप्रमुख ठरणार आहेत. एफटीआयआय काश्मीर खोऱ्यात भारतीय लष्करासाठी २०१८ पासून विविध लघु अभ्यासक्रम राबवत आहे. त्यामुळे दूरचित्रवाणी विभागाच्या सुवर्णमहोत्सवी वर्षांत लष्करप्रमुख एफटीआयआयला भेट देत असल्याचा आनंद आहे, असेही कँथोला यांनी नमूद केले.