जम्मू काश्मिरमध्ये सीआरपीएफ जवानांच्या ताफ्यावर झालेल्या हल्ल्यात 40 जवान शहीद झाले. या घटनेत शहीद झालेल्या जवानांना पुणेकर नागरिकांनी मेणबत्त्या पेटवून शनिवारवाड्या समोर श्रध्दाजंली वाहिली. जम्मू काश्मीरमध्ये सीआरपीएफ जवानांच्या ताफ्यावर झालेल्या भ्याड हल्ल्यात 40 जवान शहीद झाल्याची घटना घडली आहे. या घटनेचे देशभरात मागील दोन दिवसापासुन पडसाद उमटत असून नागरिक रस्त्यावर उतरून पाकिस्तानचा तीव्र शब्दात निषेध व्यक्त करित आहे. या पार्श्वभूमीवर आज पुण्यातील शनिवारवाड्या समोर या भ्याड हल्ल्याच्या निषेधार्थ विविध संघटनांचे प्रतिनिधी एकत्रित सामुहिक राष्ट्रगीत आणि वंदेमातरम गायन कार्यक्रमाचे आयोजन करण्यात आले होते. तर यावेळी मेणबत्या पेटवून सीआरपीएफ जवानांना श्रद्धांजली अपर्ण करून देशभक्तीपर गाण्यांनी शनिवारवाड्याचा परिसर दुमदुमन गेला होता.