पुणे शहरात आज दिवसभरात १८८२ नवे करोना रुग्ण आढळले आहेत. तर शहरात आज करोनामुळे १७ रुग्णांचा मृत्यू झाला आहे. त्यामुळे पुणे शहरातील रुग्णांची संख्या आता ३१ हजार ८८४ एवढी झाली आहे. पुण्यात आज अखेरपर्यंत ९०६ रुग्णांचा मृत्यू झाला आहे. दरम्यान मागील २४ तासात करोनावर उपचार घेणार्‍या ७६४ रुग्णांना उपचारानंतर घरी सोडण्यात आले आहे. दरम्यान, पुणे शहरात ९०६ रुग्णांचा मृत्यू झाला आहे. तर त्यामुळे २० हजार ३३४ रुग्ण करोना मुक्त झाले असल्याची माहिती पुणे महापालिकेच्या आरोग्य विभागामार्फत देण्यात आली आहे. राज्यात रुग्णवाढीचा वेग कायम असून, ८ हजार ६४१ नव्या रुग्णांचे निदान झाले. तर दिवसभरात २६६ जणांचा मृत्यू झाला. त्यामुळे आत्तापर्यंत बरे झालेल्या रुग्णांची संख्या १ लाख ५८ हजार १४० झाली आहे.
