आयसिसमध्ये सहभागी झाल्याचा संशय असलेल्या मुंबईतील तीन तरूणांपैकी एका तरूणाला मंगळवारी रात्री पुण्यात दहशतवादविरोधी पथकाच्या (एटीएस) अधिकाऱ्यांनी ताब्यात घेतले. काही दिवसांपूर्वी मुंबईतील मालवणी येथील तीन तरुण आयसिसमध्ये सहभागी झाल्याचा संशय पोलिसांनी व्यक्त केला होता. अयाज सुलतान(२३), मोहसीन शेख(२६) आणि वाजिद शेख(२५) अशी या तरुणांची नावे होती. यापैकी अयाज सुलतानला थोड्याचवेळापूर्वी पुणे एटीएसने ताब्यात घेतल्याचे वृत्त आहे.