29 October 2020

News Flash

पुणे: अवघ्या काही तासांचा पाऊस; महिनाभर पुरेल इतका पाणीसाठा

13 तासांमध्ये धरण क्षेत्रात पडलेल्या पावसाने पाणीसाठ्यात मोठी वाढ झाली आहे.

संग्रहित छायाचित्र

पुणे शहराला पाणी पुरवठा करणार्‍या खडकवासला, वरसगाव, पानशेत आणि टेमघर या चारही धरणात पावसाने दमदार हजेरी लावली होती. त्यामुळे मागील काही तासांत सव्वा टीएमसी एवढा पाऊस पडला आहे. शहराला महिन्याला सव्वा टीएमसी एवढा पाणी पुरवठा केला जातो. त्यामुळे पुणेकरांच्या दृष्टीने ही आनंदाची बाब मानली जात आहे.

पुणे शहराला पाणी पुरवठा करणार्‍या खडकवासला धरणात 76 मिमी, पानशेत 147 मिमी, टेमघर 170 आणि वरसगाव 145 मिमी असा पाऊस मागील 13 तासात धरण क्षेत्रात पडला आहे. तर सद्यस्थितीत या चारही धरणात मिळून 57.43 टक्के पाणीसाठा जमा झाला आहे. आकडेवारीवरून मागील 13 तासात सव्वा टीएमसी एवढा पाणीसाठा धरण क्षेत्रात जमा झाला आहे. यामुळे पुणेकर नागरिकांसाठी आनंदाची बाब आहे. त्याचबरोबर धरण क्षेत्रात संततधार पाऊस सुरू असल्याने कालव्यात 2 हजार क्युसेक पाण्याचा विसर्ग करण्यात आला आहे. पाण्याच्या विसर्गामध्ये काही तासात वाढ होण्याची शक्यता पाटबंधारे विभागामार्फत व्यक्त केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 27, 2019 7:42 pm

Web Title: pune dam heavy rain increases water level jud 87
Next Stories
1 आमच्या पक्षातल्या भाकड गायी भाजपा-सेनेत गेल्याचे दुःख नाही-जयंत पाटील
2 लोणावळा : भुशी धरणाच्या पायऱ्यांवर अडकलेल्या तरुणांना वाचवण्यात यश
3 पिंपरीमध्ये कोसळधार, अनेक घरांमध्ये शिरलं पाणी
Just Now!
X