News Flash

Video: ‘आयर्नमॅन’ पोलीस आयुक्त कृष्ण प्रकाश यांना अश्रू अनावर होतात तेव्हा…

एका तरुणीने अतिशय भावनिक कविता ऐकवल्यावर त्यांच्या डोळ्यात तरळले अश्रू

Video: 'आयर्नमॅन' पोलीस आयुक्त कृष्ण प्रकाश यांना अश्रू अनावर होतात तेव्हा...

पिंपरी-चिंचवडचे पोलीस आयुक्त कृष्ण प्रकाश हे आयर्नमॅन म्हणून ओळखले जातात. रोखठोक आणि सडेतोड बोलणं हे त्यांचं वैशिष्ट्य. कोणत्याही दबावाखाली न येता अचूक निर्णय घेण्याची क्षमता असलेले पोलीस आयुक्त कृष्ण प्रकाश यांचं आज एकदमच वेगळं रूप अनेकांना पाहायला मिळालं. आयर्नमॅन कृष्ण प्रकाश हे आज हळवे झाल्याचं दिसून आलं. एका भावनिक मुद्द्यावरील कविता ऐकल्यानंतर त्यांना अश्रू अनावर झाले. एका तरुणीने वडील या विषयावर कविता सादर केल्यानंतर हा प्रकार घडला.

याबद्दल सविस्तर सांगायचं तर, पोलीस आयुक्त कार्यालयात ऋतुजा शांतीलाल पाटील नावाची तरुणी पोलीस आयुक्त यांना भेटायला आली होती. तिने वडिलांच्या निधनानंतर आयुष्यात आलेल्या अनुभवावर ‘झुळूक’ नावाचे पुस्तक लिहिले असून त्यातील ‘देवा घराचा बाबा’ ही कविता आज पोलीस आयुक्त यांना तिने ऐकवली. तेव्हा ‘आयर्नमॅन’ पोलीस आयुक्त कृष्ण प्रकाश यांना अक्षरशः अश्रू अनावर झाले. उपस्थित पोलीस अधिकारी देखील भावनिक झाले आणि त्यांच्या डोळ्यातून अश्रू आले.

पाहा व्हिडीओ-

दरम्यान, कवितावाचन झाल्यानंतर ऋतुजाला पोलीस आयुक्त यांनी बक्षिस दिले. ऋतुजा लहान असतानाच तिच्या वडिलांचं निधन झालं होतं. त्यानंतर बाबांविना असलेलं आयुष्य हे ‘देवा घराचा बाबा’ या कवितेतून तिनं मांडलं आणि आपल्या भावनांना वाट करून दिली. या कवितेने पोलीस आयुक्तांचं मन जिंकलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 25, 2021 6:58 pm

Web Title: pune ironman police commissioner krishna prakash breaks into tears after listening to emotional poem related to dad see video watch kjp 88 vjb 91
Next Stories
1 “…वाजवा किती वाजवायचं ते,” अजित पवारांचा विरोधकांना टोला
2 “ठाकरे सरकार पडलं नाही तरी…,” गिरीश बापट यांचं मोठं विधान
3 तंत्रस्नेही समाजात विज्ञानवादाचा अभाव
Just Now!
X