02 March 2021

News Flash

पुणे : आमदाराच्या विवाह सोहळ्यातच करोनाच्या नियमांना केराची टोपली

सोशल डिस्टन्सिंगचंही पालन नाही

भाजप माळशिरस विधानसभा मतदार संघाचे आमदार राम सातपुते यांच्या विवाह सोहळ्याला माजी मुख्यमंत्री विरोधी पक्षनेते देवेंद्र फडणवीस आणि भाजपा प्रदेशाध्यक्ष चंद्रकांत पाटील, खासदार गिरीश बापट, आमदार नितेश राणे, प्रशांत परिचारक यांच्यासह विविध क्षेत्रातील मंडळीनी हजेरी लावली होती. या लग्नसमारंभादरम्यान नेतेमंडळींनीच राज्यातील करोनाविषयक नियमांना केराची टोपली दाखवल्याचं पाहायला मिळालं.

भाजप माळशिरस विधानसभा मतदार संघाचे आमदार राम सातपुते यांचा विवाहसोहळ रविवारी पडला. पुण्यातील शुभारंभ लॉन्समध्ये हा विवाह सोहळा संपन्न झाला. यावेळी माजी मुख्यमंत्री आणि विरोधीपक्ष नेते देवेंद्र फडणवीस, चंद्रकांत पाटील आणि अन्य नेतेमंडळही उपस्थित होती. यावेळी या लग्न समारंभाला मोठ्या प्रमाणात लोकांची उपस्थिती असल्याचंही दिसून आलं.

सध्या करोना विषाणूच्या पार्श्वभूमीवर लग्नसमारंभांसाठी जास्तीत जास्त २०० लोकांची उपस्थितीची मर्यादा घालण्यात आली आहे. परंतु यावेळी उपस्थितांची संख्याही अधिक होती. तसंच लग्नसमारंभात असलेल्या बैठक व्यवस्थेमध्येही सोशल डिस्टन्सिंगच्या नियमाचं पालन करण्यात आलं नसल्याचंही दिसून आलं. त्यामुळे नेते मंडळींनीच करोनाविषयक नियमांना केराची टोपली दाखवल्याचं म्हटलं जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 20, 2020 9:03 pm

Web Title: pune mla marriage no coronavirus rules followed no social distancing svk 88 jud 87
Next Stories
1 मुंबई मेट्रो : चर्चेला आमची तयारी, चर्चेतून मार्गही निघतो – देवेंद्र फडणवीस
2 मुंबई महापालिका काँग्रेसने स्वबळावर लढावी, अध्यक्ष भाई जगताप यांचा स्वबळाचा नारा
3 शिवसेनेसारखी कामं करायची नाहीत; चंद्रकांत पाटालांचा भाजपा नगरसेवकांना सल्ला
Just Now!
X