News Flash

राष्ट्रवादी काँग्रेसचे आमदार अण्णा बनसोडेंच्या मुलाला पुणे पोलिसांकडून अटक

फरार असलेल्या आमदार अण्णा बनसोडेंच्या मुलाला रत्नागिरीत जाऊन पोलिसांनी ठोकल्या बेड्या

पिंपरी चिंचवडमधील राष्ट्रवादी काँग्रेसचे आमदार अण्णा बनसोडे यांचा मुलगा सिद्धार्थ बनसोडे याला पोलिसांनी अटक केली आहे. रत्नागिरीत सिद्धार्थ बनसोडेवर अटकेची कारवाई करत बेड्या ठोकण्यात आल्या आहेत. निगडी पोलिसांनी ही अटकेची कारवाई केली. सिद्धार्थ बनसोडेसह सतीश लांडगे, सावनकुमार सलादल्लू, रोहित पंधरी अशी अटक करण्यात आलेल्या आरोपींची नावे आहेत. दोन जीवघेणे हल्ले केल्याप्रकरणी ही कारवाई करण्यात आली आहे.

सूत्रांनी दिलेल्या माहितीनुसार, दोन जीवघेण्या हल्ल्यांप्रकरणी फरार असलेल्या सिद्धार्थ बनसोडेला इतर साथीदारांसोबत रत्नागिरी येथून अटक करण्यात आली आहे. पोलिसांना फरार झालेला सिद्धार्थ बनसोडे रत्नागिरीत असल्याची माहिती मिळाली होती. त्यानुसार, पोलिसांची दोन पथकं त्या ठिकाणी गेली. तिथे सापळा रचून सिद्धार्थसह इतरांना अटक करण्यात आली. या प्रकरणी आत्तापर्यंत नऊ जणांना अटक करण्यात आली आहे.

गोळीबार प्रकरण नेमकं काय आहे?
आमदार अण्णा बनसोडे यांच्यावर १२ मे रोजी गोळीबार झाल्याची घटना घडली. याप्रकरणी गोळीबार केल्याचा आरोप असलेल्या तानाजी पवार याला अटक करण्यात आली होती. दरम्यान, काही तासांनी तानाजी पवार याने अण्णा बनसोडेंचा मुलगा सिद्धार्थ बनसोडेसह २१ जणांवर जीवघेणा हल्ला केल्याप्रकरणी पिंपरी पोलिसात फिर्याद दिली. त्यानुसार, खुनाचा प्रयत्न केल्याचा गुन्हा नोंदवण्यात आला.

तर, गोळीबार घटना घडण्याच्या एक दिवस अगोदर सिद्धार्थ बनसोडे याने निगडी येथील हेडगेवार भवन येथे टोळक्यासह जाऊन पवार कोठे आहे अशी विचारणा करून तेथील कामगारांना मारहाण केली अशीही तक्रार करण्यात आली होती. या दोन्ही गुन्ह्यांप्रकरणी सिद्धार्थ हा फरार होता. अखेर त्याला निगडी पोलिसांनी अटक केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 27, 2021 1:38 pm

Web Title: pune nigadi police pimpri chinchwad ncp mla anna bansode siddharth bansode arrested ratnagiri kjp 91 sgy 87
Next Stories
1 डाळ आयातीवरील निर्बंध हटवल्याने शेतकरी संकटात
2 नदीपात्रातील अतिक्रमणे तातडीने काढा
3 गृह अलगीकरण बंदच्या निर्णयाने करोना काळजी केंद्रांवर ताण
Just Now!
X