पिंपरी-चिंचवडमधील तळवडे येथील जोतिबा नगर रस्त्यावर आज शनिवारी सकाळी बस आणि दुचाकीच्या भीषण अपघातात दुचाकीवरील तरुणाचा जागीच मृत्यू झाला आहे. या अपघाताची नोंद देहूरोड पोलीस ठाण्यात करण्यात आली आहे. तळवडेतील जोतिबा नगर रस्त्यावर आज सकाळी दहाच्या सुमारास बस आणि दुचाकीचा अपघात झाला. बस आणि दुचाकीची समोरासमोर धडक झाली. या भीषण अपघातात दुचाकीस्वार सोपान बाबुराव दौंडकर या ३२ वर्षीय तरुणाचा जागीच मृत्यू झाला. या अपघाताची नोंद देहूरोड पोलीस ठाण्यात करण्यात आली आहे. या प्रकरणी अधिक तपास करत आहोत, अशी माहिती पोलिसांनी दिली.
