पुण्यातील बाणेर परिसरातील पॅनकार्ड क्लबच्या इमारतीवरील डोमला आज सकाळी भीषण आग लागली. अग्निशमन विभागाच्या पाच गाड्या घटनास्थळी दाखल झाल्या आहेत. आग विझवण्याचे काम युद्ध पातळीवर सुरू आहे. या आगीत इमारतीचा संपूर्ण डोम जळून खाक झाला आहे. आगीचे नेमके कारण अद्याप स्पष्ट झालेले नाही. सकाळच्या सुमारास लागलेल्या या आगीमुळे परिसरात एकच खळबळ उडाली होती. आगीमुळे आकाशात धुराचे मोठाले लोळ उठत आहेत. आग मोठ्याप्रमाणवर असल्याने ती विझवण्यात जवानांना मोठी मेहनत घ्यावी लागत आहे.
