23 April 2018

News Flash

कठुआ बलात्कार प्रकरण: पुण्यात युवकांचा मोर्चा

पुण्यातील महाविद्यालयातील तरुण-तरुणी सोशल मीडियाच्या माध्यमातून एकत्र आले. गुडलक चौक, फर्ग्युसन महाविद्यालय, बालगंधर्व रंगमंदिर चौक तेथून पुढे डेक्कन चौकात समारोप झाला.

मंदिराच्या आवारातील या खोलीत पीडित मुलीला रात्री डांबून ठेवले जायचे.

कठुआ आणि उन्नाव येथील बलात्काराच्या घटनेचे देशभरात पडसाद उमटताना दिसत असून पुण्यातील गुडलक चौकातून फर्ग्युसन महाविद्यालय मार्गे डेक्कन येथे तरुणाईने मोर्चा काढला. या मोर्चात मोठ्यासंख्येने तरुणाई सहभागी झाली होती.

जम्मू मधील कठुआ आणि उत्तर प्रदेशमधील उन्नाव येथील बलात्काराच्या घटनेने संपूर्ण देश हादरून गेला. या पार्श्वभूमीवर आज पुण्यातील महाविद्यालयातील तरुण-तरुणी सोशल मीडियाच्या माध्यमातून एकत्र आले. गुडलक चौक, फर्ग्युसन महाविद्यालय, बालगंधर्व रंगमंदिर चौक तेथून पुढे डेक्कन चौकात या मोर्चाचा समारोप झाला. या मोर्चात पीडित मुलीला न्याय मिळाला पाहिजे, बलात्कार करणाऱ्या नराधमांना फाशी झाली पाहिजे. केंद्र सरकारने अशा घटना रोखण्यासाठी कडक कायदा केला पाहिजे. यासह अनेक पोस्टर घेऊन तरुण वर्ग सहभागी झाला होता. यावेळी घोषणाबाजी देखील करण्यात आली.

First Published on April 15, 2018 8:37 pm

Web Title: rally for kathua and unnav gang rape victim in pune
  1. ASHOK BHISE
    Apr 15, 2018 at 10:10 pm
    नुसतेच आसिफा नको आत्ताच काही दिवसापूर्वी सुरत ला झालेल्या अल्पवयीन मुलीचे नाव ही ऍड करा म्हणजे सरकारला लहानM मुलांवर होणाऱ्या अत्याचाराची जाणीव होईल आणि लवकरात। लवकर फाशीच्या शिक्षेची तरतूद करतील. अजून निर्भयाच्या गुन्हेगारांना फाशी झालेली नाही. 300 च्या वर फाशी Sशिक्षा पेंडिंग आहेत. आणि सरकार त्यांना आपल्या पैशांनी पोसतो आहे. दुर्देव आपले.
    Reply