पुणे अंधशाळेची शैक्षणिक वर्ष २०१४-१५ साठीची प्रवेश प्रक्रिया सुरू झाली आहे, अशी माहिती द पूना स्कूल अॅण्ड होम फॉर ब्लाईंड ट्रस्टचे प्रशासकीय अधिकारी कृष्णा शेवाळे यांनी पत्रकाद्वारे दिली आहे.संस्थेतर्फे विद्यार्थ्यांना मोफत निवास, भोजन, वैद्यकीय सुविधा, शैक्षणिक साहित्य, खेळ, मनोरंजन आदी सुविधा पुरविल्या जातात. नवीन शैक्षणिक वर्षांसाठी ४० टक्के किंवा त्याहून अधिक अंधत्व असलेल्या पहिली ते चौथीपर्यंतच्या विद्यार्थ्यांच्या पालकांनी कोरेगाव पार्कमधील मुलांची अंधशाळा आणि कोथरूड येथील मुलींची अंधशाळा येथून विहित नमुन्यातील अर्ज घेऊन जावेत. अधिक माहितीसाठी ०२०-२६१२२६८६, २६०५३१९५, २५३८४५८९ या क्रमांकांवर संपर्क साधावा, असे आवाहन ट्रस्टतर्फे करण्यात आले आहे.