News Flash

खड्डय़ांबाबत तक्रारीसाठी महापालिके त स्वतंत्र कक्ष

पावसाळ्यात रस्त्यावर साचणारे पाणी, रस्त्यांच्या दुरवस्थेबरोबरच रस्त्यांवर पडलेल्या खड्डयांबाबत नागरिकांना तक्रार करता येणार आहे. 

पुणे : पावसाळ्यात रस्त्यावर साचणारे पाणी, रस्त्यांच्या दुरवस्थेबरोबरच रस्त्यांवर पडलेल्या खड्डयांबाबत नागरिकांना तक्रार करता येणार आहे.  त्यासाठी महापालिके च्या पथ विभागाने चोवीस तास कार्यरत राहणारा स्वतंत्र कक्ष स्थापन के ला आहे. नागरिकांच्या तक्रारीची नोंद घेऊन तातडीने उपाययोजना कराव्यात, अशी सूचना या पथकातील कर्मचाऱ्यांना करण्यात आली आहे.

पावसाच्या पाण्याचा निचरा होण्यासाठी त्वरित उपाययोजना करणे, रस्त्यावरील खराब भाग तातडीने दुरुस्त करणे, नागरिकांच्या तक्रारींची दखल घेऊन खड्डे बुजविणे, अशी कामे या स्वतंत्र कक्षातील कर्मचाऱ्यांकडून होणार असल्याची माहिती पथ विभागाचे अधीक्षक अभियंता विजयकु मार शिंदे यांनी दिली. नागरिकांच्या तक्रारीचे निवारण करण्यासाठी ०२०-२५५०१०८३ या क्रमांकावर संपर्क साधण्याचे आवाहन पथ विभागाकडून करण्यात आले आहे.

पावसाळ्यात दरवर्षी रस्त्यांवर पाणी साचण्याच्या घटना घडतात. जोरदार पावसाने प्रमुख रस्त्यांसह उपरस्त्यांवर खड्डेही पडतात. पाणीपुरवठा, पथ विभाग आणि मल:निस्सारण विभागाकडून पावसाळापूर्व कामांअंतर्गत तसेच सेवा वाहिन्या टाकण्यासाठी एप्रिल आणि मे महिन्यात मोठय़ा प्रमाणावर रस्ते खोदाईची कामे करण्यात आली आहेत. त्यामुळे रस्त्यांची दुरुवस्था झाल्याचे चित्र आहे. रस्ते दुरुस्तीची कामे महापालिके ने हाती घेतली असली तरी कामे संथगतीने सुरू आहेत. अशास्त्रीय पद्धतीने रस्ते दुरुस्ती होत असल्याने पावसाळ्यात रस्त्यांची मोठय़ा प्रमाणावर दुरवस्था होण्याची भीती आहे. महापालिके च्या स्तरावर स्वतंत्र कक्ष स्थापन करण्यात आला असला तरी पावसाळ्यात नागरिकांच्या तक्रारींची दखल घेतील जाणार की के वळ तात्पुरती मलमपट्टी होणार, हे येत्या काही दिवसांत स्पष्ट होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 8, 2021 12:55 am

Web Title: separate cell for complaints about pits ssh 93
Next Stories
1 निर्बंध शिथिल झाल्यानंतर खरेदीसाठी झुंबड
2 उपाहारगृहे सुरू झाल्याने भुसार मालासह फळभाज्यांना मागणी वाढली
3 पुस्तकांच्या दुकानांमध्ये वाचकांची लगबग
Just Now!
X