पुण्यातील लोहियानगर येथील मुख्य अग्नीशमन केंद्र समोरील वसाहतीमधील एका कारखान्यासह सात घरांना भीषण आग लागल्याची घटना घडली आहे. अग्नीशमन विभागाच्या अधिकाऱ्यांनी दिलेल्या माहितीनुसार, लोहियानगर येथील अग्नीशमन केंद्रासमोरील वसाहतीमध्ये पुठ्ठा तयार करणार्या एका कारखान्यासह सात घरांना आज रात्री सव्वा दहा वाजण्याच्या सुमारास भीषण आग लागल्याची घटना घडली. ही घटना अग्नीशमन केंद्रा समोरील बाजूस घडली. घटनेची माहिती मिळताच काही मिनिटात अग्नीशमन दलाकडून आगीवर नियंत्रण मिळवण्यात आले. या घटनेत कोणत्याही प्रकारची जिवितहानी झाली नसून आग कोणत्या कारणांमुळे लागली हे अद्याप सांगता येणार नाही असे अग्नीशमन दलाच्या अधिकाऱ्यांनी सांगितले.
