पुणे पोलीसांच्या समाजसेवा शाखेने कोथरुड परिसरात सुरू असलेले सेक्स रॅकेट गुरुवारी रात्री उदध्वस्त केले. पोलीसांनी याप्रकरणी पाच जणांना अटक केली असून, पुण्यात सेक्स रॅकेट चालविणाऱया आणि पोलीसांच्या हातावर तुरी देऊन सातत्याने फरार होणाऱया कल्याणी देशपांडे नावाच्या महिलेविरुद्ध गुन्हा दाखल करण्यात आला आहे.कोथरूडमधील भुसारी कॉलनीमध्ये वेश्याव्यवसाय सुरू असल्याची माहिती मिळाल्यावर समाजसेवा शाखेच्या अधिकाऱयांनी संबंधित ठिकाणी छापा टाकला. तेथून वैश्यव्यवसाय करणाऱया चौघी जणींना अटक केली. यापैकी दोन तरुणी या उझबेकिस्तानच्या नागरिक आहेत. पोलीसांनी घटनास्थळावरून एका दलालालाही अटक केलीये. कल्याणी देशपांडे हिच हे सेक्स रॅकेट चालवत होती, अशी माहिती मिळाल्यानंतर पोलीसांनी तिच्याविरुद्ध गुन्हा दाखल केला असून, तिचा शोध घेण्यात येतो आहे.(संग्रहित छायाचित्र)