News Flash

युतीला 45 नाही तर 48 जागा मिळतील, शरद पवारांचा खोचक टोला

अमित शाह यांनी केलेल्या दाव्याला शरद पवार यांनी उपरोधिक शैलीत उत्तर दिलं आहे

(संग्रहित छायाचित्र)

शिवसेना आणि भाजपा यांच्यात युती झाली, त्यानंतर भाजपाचे राष्ट्रीय अध्यक्ष अमित शाह यांनी युतीला महाराष्ट्रातल्या 48 पैकी 45 जागा मिळतील असा विश्वास व्यक्त केला. या वक्तव्याचा समाचार घेत युतीला 45 नाही तर महाराष्ट्रातल्या 48 जागा मिळतील असा टोला शरद पवार यांनी लगावला आहे. एवढंच काय तर देशात 547 जागा जिंकू असाही दावा भाजपाने करायला हवा. 48 जागांमध्ये बारामतीचीही जागा आलीच असेही शरद पवार यांनी म्हटलं आहे.

युती झाली त्यावर काही आश्चर्य वाटत नाही. शिवसेनेने संसार करण्याआधी ज्या काही फैरी झाडायच्या त्या झाडल्या आहेत. सत्ता, गादी आणि उब सोडायची नव्हती, उब सोडायची वेळ आल्यावर ते पुन्हा गादीवर बसले. ईडीचा दबाव होता की नाही ते माहित नाही असंही शरद पवारांनी म्हटलं आहे. युती झाल्याने आघाडीचे काम सोपे झाले आहे असंही शरद पवार यांनी म्हटलं आहे.

सोमवारी विधानसभा आणि लोकसभा निवडणुकांसाठी शिवसेना आणि भाजपाने युतीची घोषणा केली. ज्यानंतर या दोन्ही पक्षांवर आरोप प्रत्यारोपांच्या फैरी झडत आहेत. शिवसेना पक्ष प्रमुख उद्धव ठाकरे, भाजपाचे राष्ट्रीय अध्यक्ष अमित शाह आणि मुख्यमंत्री देवेंद्र फडणवीस यांनी संयुक्त पत्रकार परिषद घेतली आणि युतीची घोषणा केली. त्यानंतर या दोन्ही पक्षांवर आरोपांच्या फैरी झडत आहेत. आता शरद पवार यांनीही युतीवर टीका करत ती होणारच होती असं म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 19, 2019 10:05 pm

Web Title: shivsena and bjp alliance will get 48 loksabha seats in loksabha election sharad pawar taunts in pune
Next Stories
1 पुलवामा हल्ल्यानंतरच्या सर्वपक्षीय बैठकीला पंतप्रधान का नव्हते?-पवार
2 मित्रांनी दिला दगा; मैत्रिणीचे फोटो वापरून फेसबुकवर तयार केले फेक अकाऊंट
3 Pulwama Terror Attack : ही वेळ छत्रपती शिवाजी महाराजांचा आदर्श घेण्याची – अमोल कोल्हे
Just Now!
X