News Flash

हिंदुत्ववादी संघटनांकडून आसाराम बापूंचे समर्थन – जादूटोणाविरोधी कायद्याचाही केला निषेध

अल्पवयीन मुलीचे लैंगिक शोषण केल्याच्या आरोपांवरून आसाराम बापू यांना अटक होऊनही ते निर्दोष असल्याचे सांगत त्यांचे समर्थन करण्यासाठी शहरातील काही संघटनांनी रविवारी मोर्चा काढला.

| September 2, 2013 02:55 am

अल्पवयीन मुलीचे लैंगिक शोषण केल्याच्या आरोपांवरून आसाराम बापू यांना अटक होऊनही ते निर्दोष असल्याचे सांगत त्यांचे समर्थन करण्यासाठी शहरातील काही संघटनांनी रविवारी मोर्चा काढला. डॉ. नरेंद्र दाभोलकर यांच्या हत्याप्रकरणी पोलिसांना खरे हल्लेखोर सापडत नसल्यामुळेच सनातन संघटनेला लक्ष्य केले जात असल्याचा आरोपही या वेळी केला गेला.
पर्वती पायथ्यापासून स्वातंत्र्यवीर सावरकर स्मारकापर्यंत निघालेल्या या मोर्चात सनातन प्रभात, समस्त हिंदू आघाडी, हिंदू जनजागृती समिती, स्वातंत्र्यवीर सावरकर स्मृती प्रतिष्ठान आणि आसाराम बापू संप्रदाय या संघटना सहभागी झाल्या होत्या.
हिंदू धर्मगुरूंना चर्चेला न बोलवता केवळ महाराष्ट्र अंधश्रद्धा निर्मूलन समितीच्या मतानुसार जादूटोणाविरोधी कायदा आणण्यात आला असल्याचे फलक या मोर्चात लावण्यात आले होते. ‘हा कायदा संतांना अटक करून हिंदूंच्या धर्मश्रद्धांचे निर्मूलन करणारा आहे’ तसेच ‘आसाराम बापूंची अपप्रसिद्धी करणारी प्रसारमाध्यमे विकली गेली आहेत’, अशा आरोपाच्या घोषणाही या वेळी दिल्या गेल्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 2, 2013 2:55 am

Web Title: some of hindutwavadi associations justifies asaram bapu
Next Stories
1 शब्दांना मर्यादा येते, तिथे छायाचित्र किमया घडविते – तेंडुलकर
2 ‘भारती’ची ‘उळागड्डी’ ठरली पुरुषोत्तम करंडकाची मानकरी
3 भोसरीत पालिकेच्या रुग्णालयात मतिमंद तरुणीवर बलात्कार
Just Now!
X