News Flash

शाही विवाहाच्या खर्चावरील आरोपानंतर काकडे यांची सारवासारव

जिल्हाधिकाऱ्यांकडे विद्यार्थ्यांच्या शिक्षणासाठी २ कोटी रुपयांचा निधी देण्याचा काकडेंचा निर्णय

BJP leader , Sanjay Kakade , suprizing predictions about Pune Elections, PMC Elections 2017, Loksatta, Loksatta news, Marathi, Marathi news
संजय काकडे (संग्रहीत छायाचित्र)

भाजप खासदार संजय काकडे यांच्या मुलीच्या शाही विवाह सोहळ्यावरुन वाद सुरु असतानाच काकडे यांनी जिल्हाधिकाऱ्यांकडे २ कोटी रुपयांचा निधी देण्याचा निर्णय घेतला आहे. या निधीतून येणाऱ्या व्याजाचा वापर गरजू मुलांच्या शिक्षणासाठी केला जाणार असून जिल्हाधिकाऱ्यांकडे निधी देऊन काकडे यांनी शाही सोहळ्यावरुन सुरु असलेल्या वादावर पडदा टाकण्याचा प्रयत्न केल्याची चर्चा आता रंगली आहे.

मंत्र्यांच्या घरी लग्न असले की कायमच पैशांची उधळपट्टी होत असल्याचा आरोप होत असतो. असाच आरोप भाजप खासदार संजय काकडे यांच्यावरही करण्यात आला होता. काकडे यांची कन्या आणि राज्याचे सहकारमंत्री सुभाष देशमुख यांच्या मुलाच्या शाही विवाहसोहळा पुण्यात पार पडत आहे. लग्नात कोट्यवधी रुपयांची उधळपट्टी करण्यात येत असल्यानं काकडेंवर टीकेची झोड उठविण्यात आली होती.

मात्र त्यावर सारवासारव करण्यासाठी आपली बाजू मांडली आहे. राज्यातील गरजू मुलांना आपण तब्बल दोन कोटींची मदत करणार आहोत असे संजय काकडे यांनी पत्रकाव्दारे सांगितले. यासाठी 100 विद्यार्थ्यांची निवड केली जाणार असून प्रत्येक विद्यार्थ्याला एक लाख रुपयांपर्यंतची मदत मिळू शकणार आहे, असं स्पष्टीकरण काकडे यांनी दिलं आहे. या १०० विद्यार्थ्यांच्या निवडीचे अधिकार जिल्हाधिकारी, जिल्हाधिकाऱ्यांनी निवडलेली एक स्वयंसेवी संस्था तसेच गठित केलेल्या समितीला असतील असेही या पत्रकात स्पष्ट कऱण्यात आले आहे.

गेल्या महिन्यात चिंचवड येथे भाजपच्या प्रदेश कार्यकारिणीची जी बैठक झाली त्या बैठकीत मुख्यमंत्री देवेंद्र फडणवीस यांनी पदाधिकारी व लोकप्रतिनिधींशी संवाद साधताना पक्षात व्हीआयपी संस्कृती आणू नका, असे स्पष्टपणे सांगितले होते. ‘या संस्कृतीत जाऊ नका. भारतीय जनता पक्षाची सत्ता आली आहे. मात्र सत्तेने उन्मत्त होऊ नका असा सल्ला दिला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 7, 2017 6:18 pm

Web Title: statment of sanjay kakde on marriage issue of his daughter funds for students
Next Stories
1 मुंबई-पुणे एक्सप्रेस वेवर अपघात : मुंबईचे चौघे ठार
2 कचराकोंडी फुटली, मुख्यमंत्र्यांच्या आश्वासनानंतर आंदोलन मागे
3 पिंपरी-चिंचवड पालिकेचा भोंगळ कारभार; पिण्याच्या पाण्याने ‘स्वच्छता मोहीम’
Just Now!
X