04 July 2020

News Flash

मुख्याध्यापक, शिक्षकांचा १६ ऑगस्टपासून शाळा बंदचा इशारा

विविध प्रलंबित मागण्या मान्य न झाल्यास, राज्यातील शाळा १६ ऑगस्टपासून बंद करण्याचा इशारा मुख्याध्यापक, शिक्षक, शिक्षकेतर समन्वय समितीने दिला आहे.

| August 11, 2014 03:00 am

विविध प्रलंबित मागण्या मान्य न झाल्यास, राज्यातील शाळा १६ ऑगस्टपासून बंद करण्याचा इशारा मुख्याध्यापक, शिक्षक, शिक्षकेतर समन्वय समितीने दिला असून आंदोलनाचा भाग म्हणून शिक्षण संचालक कार्यालयावर सोमवारी (११ ऑगस्ट) मोर्चा काढण्यात येणार आहे.
शिक्षण हक्क कायद्याची अंमलबजावणी व्हावी, मुख्याध्यापकांच्या नेमणुका करण्यात याव्यात, वेतनश्रेणीतील त्रुटी दूर कराव्यात, खासगी माध्यमिक शाळांनाही सर्व शिक्षा अभियानाचा निधी मिळावा, शाळांना १२ टक्के वेतनेतर अनुदान देण्यात यावे, चिपळूणकर समितीचे निकष मान्य करण्यात यावेत, अनुदानित शाळांना केवळ अनुदान तत्त्वावरच तुकडय़ा मंजूर करण्यात याव्यात, अशा मागण्यांसाठी समन्वय समितीने आंदोलनाचा इशारा दिला आहे.
‘शासनाने १५ ऑगस्टपर्यंत मागण्यांचा विचार न केल्यास १६ ऑगस्टपासून राज्यातील शाळा बंद करण्यात येतील. जुन्या शिक्षकांना घरी पाठवून नव्या शिक्षकांची भरती करण्याचे प्रकार शासनाने तत्काळ बंद करावेत,’ असे समन्वय समितीचे अध्यक्ष अरूण थोरात यांनी सांगितले आहे. समन्वय समितीमध्ये मुख्याध्यापक, शिक्षक, शिक्षकेतर कर्मचारी आणि संस्थाचालकांच्या एकूण १४ संघटनांचा सहभाग आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 11, 2014 3:00 am

Web Title: strike ban school teachers agitation
टॅग Ban,Strike,Teachers
Next Stories
1 विधानसभेच्या सर्वच जागांसाठी राष्ट्रवादीने इच्छुकांचे अर्ज मागविले
2 पुणे-मुंबई द्रुतगती मार्गावर अपघातात तिघांचा मृत्यू
3 राष्ट्रीय मार्गावरील टोलच्या प्रश्नावर वाहतूकदारांकडून बंदचा इशारा
Just Now!
X