News Flash

स.प. महाविद्यालय आणि विद्यार्थ्यांच्या वादाचा शेवट गोड

स.प. महाविद्यालयामध्ये प्रवेशासाठी हटून बसलेल्या ७७ विद्यार्थ्यांना रिक्त राहिलेल्या जागांवर बुधवारी प्रवेश देण्यात आले.

| November 22, 2013 02:35 am

स.प. महाविद्यालयामध्ये प्रवेशासाठी हटून बसलेल्या ७७ विद्यार्थ्यांना रिक्त राहिलेल्या जागांवर बुधवारी प्रवेश देण्यात आले असून अनेक विद्यार्थ्यांना नामवंत महाविद्यालयांमध्ये प्रवेश मिळाले असल्यामुळे विद्यार्थी आणि पालक खूश होते. स.प महाविद्यालयाकडूनही विद्यार्थ्यांना शुल्क देण्यात येणार आहे.
स.प. महाविद्यालयाला अकरावीसाठी प्रवेश क्षमता वाढवून न देण्याचा निर्णय शासनाने घेतला असून अकरावीला प्रवेश मिळू न शकलेल्या विद्यार्थ्यांना ज्या महाविद्यालयांमध्ये जागा रिक्त आहेत, त्या ठिकाणी प्रवेश देण्यात आले. आबासाहेब गरवारे कनिष्ठ महाविद्यालयाच्या सभागृहामध्ये सकाळी ११ वाजता प्रवेश प्रक्रिया करण्यात आली. एकूण ७७ विद्यार्थ्यांना २५ महाविद्यालयांमध्ये प्रवेश देण्यात आले आहेत. विज्ञान शाखेच्या १७, वाणिज्य शाखेच्या इंग्रजी माध्यमातील ५१, वाणिज्य शाखेच्या मराठी माध्यमातील ७, कला शाखेच्या इंग्रजी माध्यमातील २ विद्यार्थ्यांना प्रवेश देण्यात आले आहेत.
एमआयटी, विमलाबाई गरवारे विद्यालय, शाहू कॉलेज, गरवारे कॉलेज, जिजामाता, शिवाजी मराठा विद्यालय अशा महाविद्यालयांमध्ये प्रवेश देण्यात आल्यामुळे विद्यार्थी आणि पालक खूश आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2013 2:35 am

Web Title: those students of sp at last get admission
Next Stories
1 मद्यधुंद मोटार चालकाने डेक्कन येथे ५ वाहने, पाणीपुरीच्या गाडीला उडविले
2 औषध दुकानांची परवाना प्रक्रिया ऑनलाईन
3 बीआरटीचा प्रयोग पडला महापालिकेला सव्वाशे कोटींना
Just Now!
X