News Flash

दुचाकीवरून जाणाऱ्या तिघांनी मोशीत पोलिसांच्या अंगावर गाडी घातली

सहायक फौजदाराचा पाय मोडला

या घटनेतील जखमी पोलीस सुरेश चपटे यांच्यावर खासगी रुग्णालयात उपचार सुरू आहेत.

सहायक फौजदाराचा पाय मोडला

पोलिसांवर हल्ले होण्याचे लोण सुरूच असून, ते आता पिंपरी-चिंचवडमध्येही पोहोचले आहे. मोशी टोल नाका परिसरात दुचाकीवरून ट्रिपल सीट जाणाऱ्या युवकांना बंदोबस्तावरील पोलिसांनी हटकले म्हणून त्यांनी पोलिसांच्या अंगावर गाडी घालण्याचा प्रकार घडला. या घटनेत सहायक फौजदाराचा पाय मोडला असून, त्यांच्यावर खासगी रुग्णालयात उपचार सुरू आहेत.

सुरेश चपटे असे या सहायक फौजदाराचे नाव आहे. रविवारी रात्री चपटे व अन्य दोन पोलीस मोशी टोल नाक्यावर बंदोबस्तावर होते. ‘पल्सर’ या दुचाकीवरून तीन युवक तेथून जात होते. संशय आल्याने पोलिसांनी त्यांना हटकले. पोलीस आपल्याला पकडणार हे लक्षात आल्याने त्या तरुणांनी दुचाकी थेट पोलिसांच्या अंगावर घातली. पुढे असलेल्या दोघा पोलिसांना त्यांनी हुलकावणी दिली. त्यानंतर चपटे गाडीपुढे आडवे आले असता, त्यांनी त्यांच्या अंगावर गाडी घातली. त्यामुळे चपटे यांच्या पायाला गंभीर इजा झाली. त्यांचा पाय मोडल्याचे सांगण्यात येते. या घटनेनंतर ते तिघे आरोपी पळून गेले. तर जखमी चपटे यांना खासगी रुग्णालयात दाखल करण्यात आले. या प्रकरणी एमआयडीसी पोलीस पुढील तपास करत आहेत. जकात नाक्यावरील सीसीटीव्हीच्या माध्यमातून तपास सुरू आहे.

‘पल्सर’वर ते तिघे चालले होते. त्यांना थांबवण्याचा प्रयत्न केला म्हणून त्यांनी अंगावर गाडी घातली.

सुरेश चपटे, सहायक फौजदार

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 13, 2016 1:53 am

Web Title: three people fight with police officer in pune
Next Stories
1 गणेशोत्सवासाठी आचारसंहिता हवी – बापट
2 दुर्घटनांतून धडा घेतल्यानंतर आता आपत्ती व्यवस्थापनाची र्सवकष योजना
3 संभाव्य दहशतवादी हल्लय़ांच्या पाश्र्वभूमीवर शहरात अतिदक्षतेचा इशारा
Just Now!
X