पुण्यात आज दिवसभरात 318 नवे करोना रुग्ण आढळले. तर, 10 रुग्णांचा मृत्यू झाला. शहरातील एकूण करोनाबाधितांची संख्या 5 हजार 851 एवढी झाली आहे. तर आतापर्यंत 293 रुग्णांचा करोनामुळे मृत्यू झाला आहे. आज उपचार घेत असलेल्या 205 रुग्णांची पुन्हा टेस्ट घेण्यात आली. त्या सर्वांचा रिपोर्ट निगेटिव्ह आल्याने, त्या सर्वांना घरी सोडण्यात आले आहे. आज अखेर 3 हजार 264 रुग्ण करोना मुक्त झाले आहेत. राज्यात आज 2 हजार 598 करोना बाधीत रुग्णांची वाढ झाली. याचबरोबर एकूण संख्या आता 59 हजार 546 अशी झाली आहे. तर दुसरीकडे आज 698 करोनाबाधित रुग्ण बरे झाले आहेत. यामुळे आतापर्यंत उपचारानंतर बरे होऊन घरी पाठविण्यात आलेल्यांची संख्या एकूण 18 हजार 616 झाली आहे. सद्यस्थितीस राज्यात एकूण 38 हजार 939 अ‍ॅक्टिव्ह रुग्ण आहेत.
